८० बर्षकी हाउस स्पीकर पेलोसी र ७८ बर्षका रिपब्लिकन नेता म्याक्कोनेलले लिए भ्याक्सिन
प्रकाशित मिति : पुस ३, २०७७ शुक्रबार
हाउस स्पीकर न्यान्सी पेलोसीले कोरोनाबिरुद्धको फाइजर भ्याक्सिन लिएकी छिन् ।
Today, with confidence in science & at the direction of the Office of the Attending Physician, I received the COVID-19 vaccine. As the vaccine is being distributed, we must all continue mask wearing, social distancing & other science-based steps to save lives & crush the virus. pic.twitter.com/tijVCSnJd7
— Nancy Pelosi (@SpeakerPelosi) December 18, 2020
८० बर्षकी डेमोक्रेटिक नेतृ पेलोसीले भ्याक्सिनको पहिलो डोज लिए लगत्तै सिनेटमा रिपब्लिकन नेता मिच म्याक्कोनेले पनि भ्याक्सिन लिएका छन् । ७८ बर्षका म्याक्कोनेलले सुरक्षित र प्रभावकारी भ्याक्सिन लिएको बताएका छन् ।
Just received the safe, effective COVID vaccine following continuity-of-government protocols. Vaccines are how we beat this virus.
Now back to continue fighting for a rescue package including a lot more money for distribution so more Americans can receive it as fast as possible. pic.twitter.com/kSBhI3EzzM
— Leader McConnell (@senatemajldr) December 18, 2020
आजै अमेरिकी उपराष्ट्रपति माइक पेन्सले आज विहान टेलिभिजनबाट प्रत्यक्ष प्रशारण गर्दै कोरोनाबिरुद्धको भ्याक्सिन लिएका थिए ।
सार्वजनिक रुपमा कोरोनाबिरुद्धको भ्याक्सिन लिने उनी पहिलो उच्च सरकारी अधिकारी हुन् । पेन्सकी पत्नी करेन पेन्स र सर्जन जनरल जेरोम आदम्सले पनि भ्याक्सिन लगाएका थिए ।
आफूले भ्याक्सिन लगाउँदा पत्तै नपाएको बताउँदै पेन्सले भ्याक्सिन मेडिकल चमत्कार भएको बताएका छन् । इतिहासमा यो साता कोरोना महामारीको अन्त्यको सुरुवात भएको साताका रुपमा रहने पेन्सले बताए । पेन्सले अमेरिकनहरुलाई सामाजिक दुरी कायम गर्न, हात धुन र मास्कको प्रयोग गर्न प्रोत्साहित गरे ।
इसेनहावर कार्यकारी अफिसको भवनमा भ्याक्सिन लगाउने कार्यक्रम रहेको थियो । जहाँ पेन्सको कार्यालय रहेको छ ।
नवनिर्वाचित अमेरिकी राष्ट्रपति जो बाइडेनले भने सोमबार भ्याक्सिन लगाउने तयारी गरिहेका छन् ।
आफू लाइनमा अगाडि जान नचाहेको भएतापनि अमेरिकनलाई भ्याक्सिन लिनु सुरक्षित रहेको सन्देश दिनका लागि आगामी साता भ्याक्सिन लिन लागेको बाइडेनले बताएका छन् । बाइडेनले भ्याक्सिन लगाएको भिडियो पनि सार्वजनिक रुपमा देखाइने भएको छ ।
यस अगाडि अमेरिकाका बरिष्ठ सरुवा रोग विशेषज्ञ डाक्टर एन्थोनी फाउचीले नवनिर्वाचित अमेरिकी राष्ट्रपति बाइडेन र उपराष्ट्रपति कमला ह्यारिसलाई यथाशीघ्र भ्याक्सिन लगाउनुपर्ने बताएका थिए । ह्वाइट हाउसमा प्रवेशको समयमा कुनै समस्या उत्पन्न हुन नदिनका लागि यसो गर्नु आवश्यक रहेको फाउचीले बताएका थिए ।
गत शुक्रबार कोरोनाबिरुद्धको फाइजर र बायोएनटेकले बनाएको भ्याक्सिन प्रभावकारी र सुरक्षित ठहर गर्दै प्रयोगका लागि अमेरिकाको खाद्य तथा औषधी प्रशासन एफडीएले अनुमति दिएको थियो । त्यसपछि सोमबारबाट अमेरिकामा भ्याक्सिन लगाउन सुरु गरिएको छ ।
फाइजरको भ्याक्सिन १६ बर्षभन्दा माथिकालाई प्रयोगका लागि स्वीकृत गरिएको हो । फाइजरको भ्याक्सिन माइनस ७६ डिग्री फरेनहाइट र त्योभन्दा चिसोमा राख्नुपर्छ ।
फाइजरको कोभिड १९ भ्याक्सिन अमेरिकामा प्रयोगको स्वीकृति पाउने पहिलो भ्याक्सिन हो । अमेरिकाले आगामी मार्चभित्र १ सय मिलियनलाई भ्याक्सिन लगाउने योजना बनाएको छ ।
फाइजरको भ्याक्सिन एउटामात्र डोजपछि भ्याक्सिनले कोरोना संक्रमण हुनबाट ८२ प्रतिशतसम्म रोक्न प्रभावकारी हुने जनाइएको छ । तर दुबै डोज दिएपछि भने ९५ प्रतिशतसम्म प्रभावकारी हुनेछ ।
फाइजर र बायोएनटेकको खोपले आनुवंशिक कोडहरूलाई प्रयोग गरेर रोग प्रतिरोधी प्रतिक्रिया निम्त्याउँछन् र यसलाई एमआरएनए खोप भनिन्छ। यसले मानव कोषमा फेरबदल गर्दैन बरू शरिरलाई कोभिड विरुद्ध प्रतिरोधी हुन तयार रहने हिसाबको निर्देशन दिन्छ।