पेन्सिलभेनियामा ४३ र न्युयोर्कमा ४१ इन्चसम्म हिमपात, न्युयोर्क सिटीमा अनुमानभन्दा कम
प्रकाशित मिति : पुस २, २०७७ बिहीबार
गएराती न्युयोर्क, न्युजर्सी र पेन्भिलभेनिया लगायतका राज्यमा भारी हिमपात भएको छ । न्युयोर्क सिटीमा अनुमान गरेभन्दा कम हिमपात भएपनि न्युयोर्क राज्यका कतिपय स्थानमा भने ४१ इन्चसम्म हिमपात भएको छ ।
न्युयोर्कका ब्रिंघमाटन, एन्डीकोट, फोस्टर, अपलाचियन, जोन्सन सिटी र भेस्टलमा ३७ देखि ४१ इन्चसम्म हिमपात भएको छ । वेदर नेशनका अनुशार यी क्षेत्रमा ३ फिटसम्म हिमपात भएको हो ।
Snow totals have topped 40 inches in Binghamton and Endicott! New York and Pennsylvania have both reported over 3 feet so far this morning with snow still falling. #NYwx pic.twitter.com/siT9nzD7PC
— WeatherNation (@WeatherNation) December 17, 2020
न्युयोर्कसिटीभित्र भने अनुमान गरेको भन्दा कम हिमपात भएको छ । १८ इन्चसम्म हिमपात अनुमान गरिएको भएतापनि म्यानहटनमा १० इन्चसम्ममात्र हिमपात भएको छ । ब्रोंक्समा साढे १० इन्च र क्वीन्समा ९ इन्चसम्म हिमपात भएको छ । स्टेटन आइल्याण्ड र ब्रुकलिनमा ५ इन्चसम्म हिमपात भएको छ ।
न्युजर्सीमा न्युयोर्कसिटीकै स्तरमा हिमपात भएको छ । न्युजर्सीमा झण्डै ११ इन्चसम्म हिमपात भएको छ ।
पेन्सिलभेनियाका कतिपय स्थानमा ४३ इन्चसम्म हिमपात भएको छ । लिचफिल्ड, अल्बा, कोभिंटन लगायतका स्थानमा २८ देखि ४३ इन्चसम्म हिमपात भएको हो ।
New snow report out of Litchfield is up to 43 inches! 2-3 feet of snow have accumulated across Northern Pennsylvania from this powerful Nor’easter so far. #PAwx pic.twitter.com/FtYBNKsMDx
— WeatherNation (@WeatherNation) December 17, 2020
अहिलेभने अधिकांश स्थानमा मौषममा सुधार आइसकेको छ । न्युयोर्कका कतिपय स्थानमा घाम लागिसकेको छ । तर बाटाहरु चिप्ला भएका छन् भने जनजीवन प्रभावित भएको छ ।
