अब अमेरिकामा कोरोना संक्रमितको नजिक गएमा फोनमा नोटिफिकेशन, डाउनलोड गर्नुहोस् एप


प्रकाशित मिति : मंसिर ११, २०७७ बिहीबार

अमेरिकामा कोरोना संक्रमण बढिरहँदा स्वास्थ्य अधिकारीहरुले सेलफोनहरुलाई समेत कोरोना संक्रमण फैलिन कम गर्ने माध्यमका रुपमा उपयोग गरेका छन् । एप्पल र गुगल फोनमा त्यस्ता नोटिफिकेशन प्राप्त गर्न सकिने भएको छ ।

यदि तपाई कोरोना संक्रमित व्यक्तिको नजिक जानुभएको थियो पछि ती व्यक्तिलाई कोरोना संक्रमण पुष्टी भएको खण्डमा तपाईलाई फोनमा नोटिफिकेशन आउनेछ । स्वास्थ्य विभागका एप्लीकेशनहरुमार्फत ब्लुटुथ प्रविधिबाट तपाईको फोन कोरोना संक्रमितको नजिक पुगेको सुचित गरिनेछ ।

एप्लीकेशनले तपाईलाई सुरक्षित राख्न नसकेपनि यदि तपाई कोरोना संक्रमितको नजिक जानुभएको थियो भने सचेतना अपनाएको खण्डमा वा क्वारेन्टीनमा बसेको खण्डमा अरु फैलिनबाट भने रोक्न सक्नुहुनेछ । यी एप्लीकेशनहरु लाखौंले डाउनलोड गरिसकेको जनाइएको छ ।

केही राज्यहरुमा भने यो एप्लीकेशन उपलब्ध भइसकेको छैन । बस, ट्रेन वा बाटोमा कोरोना संक्रमित कोही व्यक्तिको नजिक गएको भएमा त्यस्तो नोटिफिकेशन प्राप्त गर्न सकिने जनाइएको छ ।

प्रयोगकर्ताले नोटिफिकेशन प्राप्त गर्नका लागि स्वीकार गरिसकेपछि ब्लुटुथको माध्यमबाट एप्लीकेशनले नजिकको फोनको कोड प्राप्त गर्छ । जब यो विशेषता प्रयोग गरेको व्यक्तिलाई कोरोना संक्रमण हुन्छ, तब उसले स्वास्थ्य अधिकारीबाट पिन प्राप्त गर्छ । पिन फोनमा हाल्नेबित्तिकै विगत दुईसातामा कम्तीमा १५ मिनेट ६ फिट भन्दा नजिक गएका सबैको फोनमा नोटिफिकेशन प्राप्त हुन्छ ।

अहिलेसम्म कम्तीमा १५ राज्यहरुले यस्तो नोटिफिकेशनको व्यवस्था गरिसकेका छन् । अलाबामा, कोलोराडो, कनेक्टिकट, डेलावर, मिसिगन, मिनेसोटा, मेरिल्याण्ड नेभाडा, न्युजर्सी, न्युयोर्क, नर्थ क्यारोलिना, नर्थ डाकोटा, पेन्सिलभेनिया, भर्जिनिया, वायोमिंग र वासिंटन डिसीमा यो व्यवस्था भइसकेको छ ।

एप्लीकेशन प्राप्त गर्न आफ्नो राज्यमा क्लीक गर्नुहोला ।

 Alabama, ColoradoConnecticutDelaware, Michigan, Minnesota, Maryland, Nevada, New Jersey, New York, North Carolina, North Dakota, Pennsylvania, Virginia, Wyoming  Washington, DC.

मेरिल्याण्डमा नोभेम्बर १० मा यो एप्लीकेशनको सुरुवात गरेदेखि १ मिलियन भन्दा धेरैले डाउनलोड गरिसकेका छन् । कोलोराडोमा पनि १ मिलियन भन्दा धेरैले डाउनलोड गरिसकेका छन् ।

विज्ञहरुले एप्लीकेशनका सबै सुचनाहरु गोप्य र अज्ञात हुने बताएका छन् । एप्लीकेशनले प्रयोगकर्ताका तथ्यांक, स्थानहरु, फोन प्रयोगकर्ताको परिचय, नाम लगायतका कुनै पनि तथ्यांक संकलन नगर्ने मेरिल्याण्डका स्वास्थ्य विभागका प्रवक्ताले बताएका छन् । फोनले नजिकको फोनलाई एक विशेष कोडमार्फतमात्र सम्झने भएकाले स्थान वा अन्य विवरणका बारेमा प्रयोगकर्ताले चिन्ता गर्नु नपर्ने कन्ट्रास पब्लिक हेल्थ कर्पका संस्थापक स्टीभ वाटर्सले बताएका छन् ।

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com