नेपालमा थप १ हजार ४४२ जनामा कोरोना संक्रमण, १२ जनाको मृत्यु


प्रकाशित मिति : मंसिर ३, २०७७ बुधबार

नेपालमा थप १ हजार ४ सय ४२ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा गरिएको ६ हजार ७३१ जनाको परिक्षणमा १ हजार ४४२ जनामा संक्रमण देखिएको हो ।

योसँगै नेपालमा कुल कोरोना संक्रमितको संख्या २ लाख १२ हजार ९१७ पुगेको छ ।

पछिल्लो २४ घण्टामा ३ हजार ५३८ जना कोरोना संक्रमणमुक्त भएका छन् । हालसम्म १ लाख ८२ हजार ७८० जना स‌ंक्रमणमुक्त भएका छन् ।

यस्तै नेपालमा कोरोनाबाट थप १२ जनाको मृत्यु भएको छ । यो नेपालमा संक्रमणबाट मृत्यु हुनेको संख्या १ हजार २५९ पुगेको छ ।

नेपालमा हाल संक्रिय संक्रमितको संख्या २८ हजार ८७८ रहेको छ । क्वारेन्टिनमा भने ९१० जना रहेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com