नेपालमा थप २ हजार १११ जनामा कोरोना संक्रमण, १३ जनाको मृत्यु
प्रकाशित मिति : कार्तिक २८, २०७७ शुक्रबार
नेपालमा थप २ हजार १११ जनामा कोरोना भाइरस संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा २ हजार १११ जनामा संक्रमण देखिएको हो ।
योसँगै नेपालमा कुल कोरोना संक्रमितको संख्या २ लाख ६ हजार ३५३ पुगेको छ ।
पछिल्लो २४ घण्टामा ३ हजार ५ सय ३७ जना कोरोना संक्रमणमुक्त भएका छन् । हालसम्म १ लाख ६८ हजार १३१ जना संक्रमणमुक्त भएका छन् ।
थप १३ जनाको मृत्यु
नेपालमा कोरोनाबाट थप १३ जनाको मृत्यु भएको छ । यससँगै नेपालमा संक्रमणबाट मृत्यु हुनेको संख्या १ हजार २०२ पुगेको छ ।