नेपालमा थप २ हजार ५६९ जनामा कोरोना संक्रमण, संक्रमितको संख्या २ लाख नाघ्यो
प्रकाशित मिति : कार्तिक २६, २०७७ बुधबार
नेपालमा कोरोना महामारी दर्शाउने अतिस महतको स्केच ।
नेपालमा थप २ हजार ५६९ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा २ हजार ५६९ जनामा संक्रमण देखिएको हो ।
योसँगै नेपालमा कुल कोरोना संक्रमितको संख्या २ लाख २ हजार ३२९ पुगेको छ ।
पछिल्लो २४ घण्टामा १ हजार ६६६ ना कोरोना संक्रमणमुक्त भएका छन् । हालसम्म १ लाख ६२ हजार २४३ जना संक्रमणमुक्त भएका छन् । हाल नेपालमा सक्रिय संक्रमितको संख्या ३८ हजार ९१२ रहेको छ । क्वारेन्टिनमा १ हजार १०९ जना रहेका छन् ।
उपत्यकामा थप १ हजार २६१ जनामा कोरोना संक्रमण
पछिल्लो २४ घण्टामा काठमाडौं उपत्यकामा थप १ हजार २६१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा ९७६, भक्तपुरमा ८१ र ललितपुरमा २०४ जनामा संक्रमण पुष्टि भएको हो ।
थप २६ जनाको मृत्यु
नेपालमा कोरोनाबाट थप २६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार यससँगै नेपालमा संक्रमणबाट मृत्यु हुनेको संख्या १ हजार १७४ पुगेको छ ।