नेपालमा थप २ हजार ७३६ जनामा कोरोना संक्रमण, २२ जनाको मृत्यु
प्रकाशित मिति : कार्तिक २५, २०७७ मंगलबार
नेपालमा कोरोना महामारी दर्शाउने अतिस महतको स्केच ।
नेपालमा थप २ हजार ७३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा २ हजार ७३६ जनामा संक्रमण देखिएको हो । योसँगै नेपालमा कुल कोरोना संक्रमितको संख्या १ लाख ९९ हजार ७६० पुगेको छ ।
पछिल्लो २४ घण्टामा ८५३ ना कोरोना संक्रमणमुक्त भएका छन् । हालसम्म १ लाख ६० हजार ५७७ जना संक्रमणमुक्त भएका छन् । हाल नेपालमा सक्रिय संक्रमितको संख्या ३८ हजार ३५ रहेको छ । क्वारेन्टिनमा १०५८ जना रहेका छन् ।
थप २२ जनाको मृत्यु
नेपालमा कोरोनाबाट थप २२ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार यससँगै नेपालमा संक्रमणबाट मृत्यु हुनेको संख्या १ हजार १४८ पुगेको छ ।
