फिप्ना अमेरिकाबाट २ महिनामा नेपालमा २२ हजार डलरको खाद्यान्न वितरण
प्रकाशित मिति : कार्तिक २४, २०७७ सोमबार
नेपाल आदिवासी जनजाति महासंघ अमेरिका फिप्नाले झण्डै २ महिनाको अवधिमा नेपालमा २२ हजार अमेरिकी डलर बराबरको आर्थिक सहयोगमा खाद्यान्न राहत वितरण गरेको छ । आइतबार आयोजित भर्चुअल पत्रकार सम्मेलनमा नेपाल आदिवासी जनजाति महासंघ अमेरिकाका अध्यक्ष लोक चेम्जोङले यसबारे जानकारी दिए ।
यो कार्य सम्पन्न गर्नका लागी आर्थिक तथा नैतिक साथ सहयोग गर्ने सबैलाई फिप्नाका तर्फबाट महासचविव नरेन्द्र थापाले धन्यवाद व्यक्त गरे । साथै कार्यक्रमलाई समन्वयात्मक भुमिका निर्वाहको लागी नेपाल आदिवासी जनजाति महासंघ संघिय परिषद् सचिवालय काठमाण्डौलाई कृतज्ञता व्यक्त गरेको छ ।
जुलाई ५, २०२० देखी अगष्ट २९, २०२० सम्म करिव दुई महिना नेपालमा यस्तो सहयोग गरिएको हो ।
उपत्यकामा लगातार ७ दिन सम्म प्रत्येक दिन ३०० जनाको दरले खाना वितरण गरिएको फिप्नाले जनाएको छ । रत्नपार्क, असन, सोह्रखुट्टे, नयाँ वसपार्क, पशुपती क्षेत्र हरूमा खाना वितरण गरिएको थियो । प्रत्येक दिन ३०० जना भनिएकोमा छैठौ र सातौ दिनमा थप २०० गरेर दुई दिन ५०० जनालाई खाना वितरण गरीएको थियो । साथै २० जना घरविहिनहरूलाई त्रिपाल (टेन्ट) वितरण गरीएको थियो ।
उपत्यका बाहिर नेपालको सिमान्तकृत समुदाय, लोपोन्मुख समुदाय, मजदुर वर्ग, सुकुम्बासी क्षेत्र, दलितर सिल्पी समुदायहरूमा राहत वितरण गरिएको छ । दैलेखका राउटे समुदाय, सिराहाका मुसहर समुदाय, धनकुटाका गिटी बालुवा मजदुर, मकवानपुरका चेपाङ समुदाय, सुनसरीका उराउँ तथा खम्पे समुदाय, धरानमा मजदुर तथा सुकुम्बासी, दाङका कुसुण्डा तथा माझी समुदायलाई सहयोग उपलब्ध गराइएको छ ।
सिन्धुपाल्चोक जिल्लामा गएको बाढी पहिरो बाट प्रभावित परिवारलाई राहत स्वरूप नेपाल आदिवासी जनजाति महासंघ अमेरीका (फिप्ना )ले राहत उपलब्ध गराएको छ ।
अमेरीकामा सक्रिय सिन्धु सोसाइटी अफ अमेरीका संगको सहकार्यमा पिडितहरूलाई उपलब्ध गराउने गरी फिप्नाले सिन्धु सोसाइटी अफ अमेरीकाका अध्यक्ष छिरिब तेन्जिब लामा तथा पदाधिकारीहरूको उपस्थितिमा नगद ५ सय डलर हस्तान्तरण गरीएको थियो । त्यसैगरी बाग्लुङ जिल्लामा गएको बाढीपहिरोमा परी जनजिवन अस्तव्यस्त बनाएका त्यस क्षेत्रको जनताहरूको राहत स्वरूप बाग्लुब समाज अमेरीकालाई फिप्नाले ७ सय डलर नगद उपलब्ध गराएको थियो ।
कोरोना भाईरसका कारण आफ्नो व्यक्तीगत सुरक्षाको लागी सावधानी अपनाउदै पेशागत कर्तव्य निर्वाह गर्नुपर्ने बाधात्मक परिस्थितिमा पत्राकरहरूको समस्यालाई ध्यानमा राखी विभिन्न स्वास्थ्य सामाग्री वितरण गरिएको थियो । नेपाल आदिवासी जनजाति पत्रकार महासंघ (फोनिज) संगको सहकार्यमा फिप्नाले स्वास्थ्य सामाग्री वितरण गरिएको हो ।
प्रतिवेदनको पूर्ण पाठ ।