नेपालमा थप २ हजार ८१७ जनामा कोरोना संक्रमण, २१ जनाको मृत्यु
प्रकाशित मिति : कार्तिक २३, २०७७ आईतबार
नेपालमा कोरोना महामारी दर्शाउने अतिस महतको स्केच ।
नेपालमा पछिल्लो २४ घण्टामा थप २ हजार ८१७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर गरिएको १२ हजार ३११ जनाको पिसिआर परिक्षणमा २ हजार ८१७ जनामा संक्रमण देखिएको हो ।
योसँगै नेपालमा कुल कोरोना संक्रमितको संख्या १ लाख ९४ हजार ४५३ पुगेको छ ।
पछिल्लो २४ घण्टामा २ हजार ८१२ जना कोरोना संक्रमणमुक्त भएका छन् । हालसम्म १ लाख ५७ हजार ९२६ जना संक्रमणमुक्त भएका छन् । हाल नेपालमा सक्रिय संक्रमितको संख्या ३५ हजार ४१९ रहेको छ ।
उपत्यकामा थप १ हजार ५३३ जनामा कोरोना संक्रमण
पछिल्लो २४ घण्टामा काठमाडौं उपत्यकामा थप १ हजार ५३३ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा १२९४, भक्तपुरमा ७७ र ललितपुरमा १६२ जनामा संक्रमण पुष्टि भएको हो । शनिबार मात्र उपत्यकामा १ हजार ५१२ जनामा संक्रमण देखिएको थियो ।
थप २१ जनाको मृत्यु
नेपालमा कोरोनाबाट थप २१ जनाको मृत्यु भएको छ । यससँगै नेपालमा संक्रमणबाट मृत्यु हुनेको संख्या १ हजार १०८ पुगेको छ ।