नेपालमा थप २ हजार ९०९ जनामा कोरोना संक्रमण, १८ जनाको मृत्यु
प्रकाशित मिति : कार्तिक २१, २०७७ शुक्रबार
नेपालमा थप २ हजार ९०९ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा गरिएको परीक्षणमा २ हजार ९०९ जनामा कोरोना संक्रमणको पुष्टि भएको हो ।
यो सँगै देशभर कोरोना संक्रमितको संख्या १ लाख ८८ हजार ८८३ पुगेको छ । हाल नेपालमा सक्रिय संक्रमितको संख्या ३४ हजार ९०५ रहेको छ ।
पछिल्लो २४ घण्टामा ४ हजार ५ सय जना कोरोना संक्रमणमुक्त भएका छन् । हालसम्म १ लाख ५२ हजार ९ सय ८ जना संक्रमणमुक्त भएका छन् ।
थप १८ जनाको मृत्यु
नेपालमा कोरोना संक्रमणबाट थप १८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर १८ जनाको मृत्यु भएको हो । यो सँगै नेपालमा कोरोनाबाट मृत्यु हुनेको संख्या १ हजार ७० पुगेको छ ।