नेपालमा थप ३ हजार ५१ जनामा कोरोना संक्रमण, १८ जनाको मृत्यु
प्रकाशित मिति : कार्तिक २०, २०७७ बिहीबार
नेपालमा कोरोना महामारी दर्शाउने अतिस महतको स्केच ।
नेपालमा थप ३ हजार ५१ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा गरिएको परीक्षणमा ३ हजार ५१ जनामा कोरोना संक्रमणको पुष्टि भएको हो ।
यो सँगै देशभर कोरोना संक्रमितको संख्या १ लाख ८५ हजार ९७४ पुगेको छ ।
पछिल्लो २४ घण्टामा ३ हजार ४ सय ३० जना कोरोना संक्रमणमुक्त भएका छन् । हालसम्म १ लाख ४८ हजार ४ सय ८ जना संक्रमणमुक्त भएका छन् ।
उपत्यकामा थप १ हजार ३९८ जनामा संक्रमण
पछिल्लो २४ घण्टामा काठमाडौं उपत्यकामा थप १ हजार ३९८ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा १०९१ , भक्तपुरमा १४७ र ललितपुरमा १६० जनामा संक्रमण पुष्टि भएको हो ।
थप १८ जनाको मृत्यु
नेपालमा कोरोना संक्रमणबाट थप १८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर १८ जनाको मृत्यु भएको हो ।
यो सँगै नेपालमा कोरोनाबाट मृत्यु हुनेको संख्या १ हजार ५२ पुगेको छ ।