जर्जिया, नर्थ क्यारोलिना र पेन्सिलभेनिया जीतेको दावी सहितको ट्रम्पको ट्वीटमा ट्वीटरको फ्लाग
प्रकाशित मिति : कार्तिक १९, २०७७ बुधबार
जर्जिया, नर्थ क्यारोलिना र पेन्सिलभेनिया जीतेको दावी सहित राष्ट्रपति उम्मेदवार डोनाल्ड ट्रम्पले गरेको ट्वीटलाई ट्वीटरले फ्लाग गरेको छ । ट्रम्पले ट्वीटरमार्फत यी राज्यहरुमा आफूले जीतेको दावी गरेका थिए । यद्यपी यी राज्यहरुमा मतगणना जारी रहेको छ ।
यी तीनवटै राज्यहरुमा ट्रम्पले अग्रता कायम गरिरहेका छन् । पेन्सिलभेनियामा झण्डै १० लाख मत गणनागर्न बाँकी रहेको छ । अहिले पेन्सिलभेनियामा ट्रम्पले झण्डै साढे २ लाख मतल अग्रता कायम गरिरहेका छन् । जर्जियामा झण्डै २ लाख र नर्थ क्यारोलिनामा झण्डै ४ लाख मतगणनाको परिणाम आउन बाँकी रहेको छ ।
नर्थ क्यारोलिनामा ट्रम्पले झण्डै ८० हजार मतले अग्रता कायम गरिरहेका छन् । जर्जियामा ट्रम्पले झण्डै ५० हजार मतले अग्रता कायम गरिरहेका छन् । पेन्सिलभेनियामा आज रातभरमा मतगणना ९९ प्रतिशत समाप्त हुने अपेक्षा गरिएको छ ।
We have claimed, for Electoral Vote purposes, the Commonwealth of Pennsylvania (which won’t allow legal observers) the State of Georgia, and the State of North Carolina, each one of which has a BIG Trump lead. Additionally, we hereby claim the State of Michigan if, in fact,…..
— Donald J. Trump (@realDonaldTrump) November 4, 2020
त्यस्तै ट्रम्पले मिसिगनमा गोप्य रुपमा ठूलोसंख्यामा मतपत्रहरु लुकाइएको दावी गर्दै गरेको ट्वीट पनि ट्वीटरले फ्लाग गरेको छ । १६ घण्टाको अवधिमा कम्तीमा ५ वटा ट्रम्पका ट्वीट ट्वीटरले फ्लाग गरेको छ ।
जो बाइडेनले नेभाडा जितेको खण्डमा ट्रम्पले जर्जिया, नर्थ क्यारोलिना र पेन्सिलभेनिया जीतेपनि राष्ट्रपति चुनाव भने जित्ने छैनन् । ट्रम्पका लागि डेमोक्र्याट्सहरुको पकड रहेको र बाइडेनले अग्रता कायम गरिरहेको नेभाडा जित्न सहज छैन । यद्यपी ट्रम्पले अलास्का जित्ने सम्भावना रहेको छ ।
अमेरिकी राष्ट्रपति चुनावबारे सम्पूर्ण अपडेटका लागि यहाँ क्लीक गर्नुहोला ।