अहिलेकै अग्रता कायम रहेमा राष्ट्रपति चुनाव ट्रम्पले जित्ने
प्रकाशित मिति : कार्तिक १८, २०७७ मंगलबार
अहिलेकै अग्रता कायम रहेमा अमेरिकी राष्ट्रपति चुनाव डोनाल्ड ट्रम्पले जीत्ने छन् । तर यही अग्रता कायम रहन्छ भन्न सकिने अवस्था भने छैन ।
बाइडेनले नेभाडा, हवाई र अहिले अग्रता कायम गरेमा राज्यमा मात्र जितेमा २५० मात्र इलेक्टोरल मत प्राप्त गर्नेछन् । ट्रम्पले अलास्का र अहिले अग्रता कायम भइरहेका राज्यमा चुनाव जितेमा २८८ इलेक्टोरल मत प्राप्त गर्नेछन् ।
अमेरिकामा राष्ट्रपति चुनाव जित्नका लागि २७० इलेक्टोरल कलेज मतको आवश्यकता पर्छ । इलेक्टोरल कलेजको कुल संख्या ५३८ रहेको छ ।
अमेरिकी चुनावमा मतदान गर्न योग्य अमेरिकीहरुले इलेक्टोरल मतका लागि इलेक्टरहरु छान्नका लागि अमेरिकी इलेक्टोरल कलेजका सदस्यहरुका लागि मतदान गर्दछन् । त्यस्ता इलेक्टरहरुले पहिले नै आफूले कुन उम्मेदवारका लागि मतदान गर्ने भन्ने सार्वजनिक गरिसकेका हुन्छन् ।
जनताबाट छानिएका इलेक्टरहरुले राष्ट्रपति र उपराष्ट्रपतिका लागि इलेक्टोरल मतदान गर्दछन् । मतदानपछि पूर्ण बहुमतप्राप्त उम्मेदवारलाई विजेता घोषणा गरिन्छ ।
यदि राष्ट्रपतिका लागि कसैले पनि पूर्ण बहुमत प्राप्त गर्न नसकेको खण्डमा प्रतिनिधीसभाले राष्ट्रपति छान्ने र उपराष्ट्रपतिका लागि कसैले पनि पूर्ण बहुमत प्राप्त गर्न नसकेमा सिनेटले उपराष्ट्रपति छान्ने व्यवस्था रहेको छ ।