कोरोनाबिरुद्धको आष्ट्राजेनेका भ्याक्सिनलाई अनुमति दिन बेलायतबाट तीब्र पुनरावलोकन सुरु
प्रकाशित मिति : कार्तिक १६, २०७७ आईतबार
कोरोनाबिरुद्धको आष्ट्राजेनेका भ्याक्सिनलाई अनुमति दिन बेलायतले तीब्र पुनरावलोकन सुरु गरिसकेको छ । बेलायतको औषधी तथा स्वास्थ्य सेवा उत्पादन नियामक एजेन्सीले सम्भावित कोरोनाबिरुद्धको भ्याक्सिनको तीब्र पुनरावलोकन सुरु गरिसकेको आष्ट्राजेनेकाका प्रवक्ताले जनाएका हुन् ।
पुनरावलोकनका क्रममा नियामक निकायले भ्याक्सिनको क्लीनिकल तथ्यांकहरु हेर्न सक्नेछन् । साथै स्वीकृति प्रकृया तीब्र पार्न उत्पादन प्रकृया र परीक्षणबारे उत्पादक कम्पनीसँग कुराकानी समेत गर्न सक्नेछन् । आष्ट्राजेनेका भ्याक्सिनको उत्पादन अक्सफोर्ड युनिभर्सिटीसँग मिलेर भइरहेको छ ।
बेलायतको औषधी तथा स्वास्थ्य सेवा उत्पादन नियामक एजेन्सीले फाइजरको कोरोनाबिरुद्धको भ्याक्सिनको पनि तीब्र पुनरावलोकन सुरु गरेको जनाइएको छ । आष्ट्राजेनेका र फाइजरका भ्याक्सिनहरु कोरोनाबिरुद्ध प्रभावकारी हुने आशा गरिएका अग्रपंक्तिका भ्याक्सिन हुन् ।
त्यस्तै मोडेर्ना र जोन्सन एण्ड जोन्सनका भ्याक्सिन पनि अग्रपंक्तिमा रहेका छन् । मोडेर्नाले तेश्रो चरणको क्लीनिकल परीक्षण अन्तरगत सबै तीसहजारलाई भ्याक्सिनका डोजहरु दिइसकेको छ । मोडेर्ना र फाइजरका भ्याक्सिनमा कुनै समस्या नदेखिएपनि आष्ट्राजेनेका र जोन्सन एण्ड जोन्सनको भ्याक्सिन लगाएका एकएकजनामा समस्या आएपछि क्लीनिकल परीक्षण अबरुद्ध समेत भएको थियो ।
बेलायतको अष्ट्राजेनेका भ्याक्सिन बुढाबुढी र जवानहरुमा इम्युन विकाश गर्न सफल भएको कम्पनीले जनाएको छ । यो भ्याक्सिन भाइरल भेक्टर विधिबाट बनाइएको छ । यो भ्याक्सिन चिम्पान्जीम संत्रलमण हुने रुघाखोकीको कमजोर भाइरसको प्रयोग गरेर बनाइएको छ ।