सरकारले ‘होम आइसोलेशन’मा मृत्यु भएकाहरुको शव व्यवस्थापन नगर्ने !
प्रकाशित मिति : कार्तिक २, २०७७ आईतबार
सरकारले कोरोना संक्रमितहरुको मृत्यु हुने संख्या बढेपछि सव व्यवस्थापन गर्न नसकिने बताउँदै होम आइसोलेशनमा रहेका संक्रमितको मृत्यु भएमा परिवारले नै व्यवस्थापन गर्नु पर्ने मापदण्ड तयार पारेको छ । पछिल्लो समय धेरै संक्रमितको मृत्यु हुँदा शव व्यवस्थान गर्न कठिनाई भएको भन्दै सरकारले परिवारले नै शव व्यवस्थापन गर्ने गरी मापदण्ड तयार गरेको हो ।
स्वास्थ्य मन्त्रालयले ‘कोभिड–१९ का कारण मृत्यु भएका व्यक्तिहरूको शव व्यवस्थापन सम्बन्धी संक्षिप्त कार्यविधि २०७७’ दोस्रो संशोधन गर्दै उक्त निर्णय गरेको हो । संक्रमितको घरमै मृत्यु भएको अवस्थामा परिवारले स्थानीय प्रतिनिधि र प्रहरीलाई खबर गर्नु पर्ने भनिएको छ । त्यसपछि परिवार र अन्तिम संस्कारमा सहभागी हुनेहरूले सजकता अपनाइ शवको अन्त्यष्टि गर्नुपर्ने मापदण्डमा उल्लेख छ ।