लुम्बिनी प्रदेशका भौतिक पूर्वाधार विकासमन्त्री चौधरीलाई कोरोना संक्रमण
प्रकाशित मिति : आश्विन ३०, २०७७ शुक्रबार
लुम्बिनी प्रदेश सरकारका प्रवक्ता तथा भौतिक पूर्वाधार बिकास मन्त्री बैजनाथ चौधरीलाई कोरोना संक्रमण पुष्टि भएको छ । सामान्य रुघा लागेपछि शुक्रबार पिसिआर परीक्षण गर्दा उनमा कोरोना पुष्टि भएको हो ।
मन्त्री चौधरीले आफूलाई कोरोना संक्रमण भएको सामाजिक सन्जाल फेसबुक मार्फत जानकारी गराउँदै आफूसँग सम्पर्कमा आएका सबैलाई सजकता अपनाउन आग्रह गरेका छन् ।
त्यस्तै श्रीमती द्रोपती चौधरी, पिएसओ सुन्दर बुढाथोकी ड्राईभर यमवहादुर थापा र भान्से पार्वती केवटलाई पनि कोरोना संक्रमण देखिएको पारिवारीक श्रोतले जनाएको छ । संक्रमितहरु मध्ये मन्त्री चौधरीलाई रुघाखोकी लागेको छ भने अन्य ४ जनालाई कुनै लक्षण नदेखिएको बताइएको छ ।
यसअघि सभामुख पुर्णबहादुर घर्ती, उपसभामुख कृष्णी थारु, आन्तरिक मामिला तथा कानूनमन्त्री कुलप्रसाद केसी, प्रदेश सभाका सदस्यहरु सहित कर्मचारी र सुरक्षाकर्मी गरी ३५ जनामा कोरोना भाइरस सङ्क्रमण देखिएको प्रदेश सभा सचिवालयले जनाएको छ ।