नेपालमा थप ४ हजार ३ सय ९२ जनामा कोरोना संक्रमण, २१ जनाको मृत्यु
प्रकाशित मिति : आश्विन ३०, २०७७ शुक्रबार
नेपालमा कोरोना महामारी दर्शाउने अतिस महतको स्केच ।
पछिल्लो २४ घण्टामा नेपालमा थप ४ हजार ३९२ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा यससँगै कुल संक्रमितको संख्या १ लाख २६ हजार १३७ पुगेको छ ।
यस्तै पछिल्लो २४ घण्टामा ३ हजार ५२२ संक्रमित डिस्चार्ज भएका छन् । कुल निको हुनेको संख्या ८८ हजार ४४ पुगेको छ ।
उपत्यकामा थप २४०२ जनामा कोरोना
काठमाडौं उपत्यकामा मात्र पछिल्लो २४ घण्टामा थप २ हजार ४०२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंका १७८४, ललितपुरमा ३७५ र भक्तपुरमा २४४ जनामा कोरोना संक्रमण देखिएको हो । बिहिबार मात्र उपत्यकामा १ हजार ९३५ जनामा कोरोना पुष्टि भएको थियो ।
थप २१ जना संक्रमितको मृत्यु
नेपालमा कोरोनाबाट थप २१ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै कोरोनाबाट मृत्यु हुनेको संख्या ७१५ पुगेको छ ।