Follow @khasokhasmag

अमेरिकामा प्रेमराजा महतसहित अवैतनिक ‘महावाणिज्यदूत र वाणिज्यदूत’ को अवधि थप


प्रकाशित मिति : आश्विन २७, २०७७ मंगलबार

नेपाल सरकारले अमेरिकामा ३ जना अवैतनिक महावाणिज्यदूतहरु र २ जना अवैतनिक वाणिज्यदूतहरुको अवधि ४ बर्ष थप गरेको छ । मन्त्रि परिषद बैठकले अमेरिकामा प्रेमराजा महत लगायत अवैतनिक महावाणिज्यदूतहरु र अवैतनिक वाणिज्यदूतहरुको अवधि थपेको हो ।

अमेरिकाको मेरिल्याण्डमा अवैतनिक महाबाणिज्यदूत पदमा कार्यरत प्रेम राजा महतको अवधि ४ बर्ष थपिएको छ भने इलिनोय राज्यमा कार्यरत अवैतनिक महाबाणिज्यदूत मरभिन ए ब्रसटिनको अवधि पनि ४ बर्ष थपिएको छ ।

त्यस्तै ओहायोमा कार्यरत अवैतनिक महाबाणिज्यदूत डा विलियम सि क्यासेलको अवधिपनि ४ बर्ष थपिएको छ ।

त्यस्तै हवाईमा कार्यरत अवैतनिक बाणिज्यदूत मेरी सी क्यारोल र सियाटलमा अवैतनिक बाणिज्यदूत एसी शेर्पाको अवधि पनि ४ बर्ष थपिएको छ ।

आफ्नो कार्यकाल थपिएकोमा नेपाल सरकारलाई धन्यवाद दिंदै अवैतनिक महावाणिज्यदूत प्रेमराजा महतले भन्नुभयो -‘म आफू पदमा रहेपनि र नहरेपनि नेपाली संस्कृति र पर्यटनको विश्वभर प्रवद्र्धनका लागि सधै लागिरहनेछु ।’

 

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com