नेपालमा थप २ हजार ५९ जनामा कोरोना संक्रमण, संक्रमितको संख्या एक लाख नाघ्यो
प्रकाशित मिति : आश्विन २३, २०७७ शुक्रबार
नेपालमा कोरोना संक्रमितको संख्या एक लाख नाघेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २ हजार ५९ जनामा संक्रमण पुष्टि भएसँगै कुल संक्रमितको संख्या एक लाख ६ सय ७६ पुगेको छ ।
मन्त्रालयका प्रवक्ता डा. जागेश्वर गौतमका अनुसार आज मुलुकका विभिन्न प्रयोगशालामा गरिएको परिक्षणमा २ हजार ५९ जनामा संक्रमण देखिएको हो । संक्रमितमध्ये हालसम्म कोरोना जितेर घर फर्किनेको संख्या ७३ हजार हजार २३ पुगेको छ । पछिल्लो २४ घण्टामा थप १ हजार ६ सय ८० जना उपचारपछि डिस्चार्ज भएका छन् ।
उपत्यकामा थप १ हजार ४०९ जनामा कोरोना संक्रमण
काठमाडौं उपत्यकामा मात्र पछिल्लो २४ घण्टामा थप १ हजार ४०९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंका १११६ , ललितपुरमा १६३ र भक्तपुरमा १३० जनामा कोरोना संक्रमण देखिएको हो । बिहिबार मात्र उपत्यकामा थप २ हजार ५४० जनामा कोरोना संक्रमण पुष्टि भएको थियो ।
थप १० जनाको मृत्यु
नेपालमा कोरोनाभाइरसको संक्रमणबाट थप १० जनाको मृत्यु भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा संक्रमणबाट थप १० जनाको मृत्यु भएको जनाएको छ । यससँगै नेपालमा संक्रमणबाट मृत्यु हुनेको संख्या ६ सय पुगेको छ ।