प्रधानमन्त्री ओलीका ३ सल्लाहकारसहित प्रमुख स्वकीय सचिवलाई पनि कोरोना संक्रमण
प्रकाशित मिति : आश्विन १७, २०७७ शनिबार
प्रधानमन्त्री केपी शर्मा ओलीका ३ सल्लाहकार र प्रमुख स्वकीय सचिवलाई कोरोना संक्रमण पुष्टि भएको छ । प्रधानमन्त्रीका परराष्ट्र मामिला सल्लाहकार राजन भट्टराईलाई पनि कोरोना संक्रमण देखिएको हो । यसअघि आजै प्रमुख राजनीतिक सल्लाहकार विष्णु रिमाल र प्रेस सल्लाहकार सूर्य थापालाई पनि संक्रमण देखिएको थियो ।
यस्तै, प्रधानमन्त्रीका प्रमुख स्वकीय सचिव इन्द्र भण्डारीलाई पनि संक्रमण देखिएको छ । उनीहरुको शुक्रबार स्वाब संकलन भएकोमा शनिबार रिपोर्ट पोजेटिभ आएको हो । उनीहरूले आफ्नो सम्पर्कमा आएकाहरूलाई पनि कोरोना परिक्षण गर्न आग्रह गरेका छन् ।