मधेसी एसोसिएसन इन अमेरिकाद्वारा आजीवन सदस्यता वितरण सुरु
प्रकाशित मिति : भाद्र ३१, २०७७ बुधबार
मधेसी एसोसिएसन इन अमेरिका (मा) ले आजीवन सदस्यता वितरण अभियान सुरुवात गरेको छ । अध्यक्ष रामनरेश पाण्डेले अनलाइनमार्फत पहिलो आजिवन सदस्यता लिई अभियानको सुरुवात गर्नुभयो ।
अभियानको उद्घाटन कार्यक्रममा संस्थाका संस्थापक अध्यक्ष एवं एनआरएन एनसीसी अमेरिकाका अध्यक्ष सुनील साह लगायत केन्द्रीय कमिटी, सलाहकार समिति सदस्यहरु समेतको भर्चुअल उपस्थीति रहेको थियो । सदस्यता वितरण अभियान २०२० का अध्यक्ष मनोज कुमार सिंह हुन् ।
संस्थाको सदस्यता वितरण अभियान अन्तर्गत डिसेम्बर ३१ तारिख भित्र सदस्यता लिने अमेरीकाबासी मधेसी समुदाय संस्थाका संस्थापक सदस्यका रुपमा रहनेछन् । मधेसी एसोसिएसन इन अमेरिका अमेरिकामा बस्ने मधेसी समुदायको गैरनाफामुलक संस्था हो ।
संस्थाको सदस्यता लिन यहाँ क्लिक गर्नुहोला ।
