कांग्रेस महामन्त्री कोइराला आइसियूमा
प्रकाशित मिति : भाद्र ३१, २०७७ बुधबार
नेपाली कांग्रेसका महामन्त्री डा. शशांक कोइरालालाई आइसियूमा राखेर उपचार गरिएको छ । कोरोना संक्रमणका कारण होम आइसोलेशनमा बसेका कोइरालालाई अत्याधिक ज्वरो आएपछि मंगलबार साँझ चाबहिलस्थित ओम अस्पताल भर्ना गरिएको थियो । हाल उनलाई आइसियूमा राखेर उपचार गर्दा ज्वरो नियन्त्रणमा आएको उपचारमा संलग्न चिकित्सकहरुले बताएका छन् ।
अस्पताल स्रोतका अनुसार भिआइपी व्यक्ति भएकाले उपचारमा सजिलो र भीडभाडबाट जोगाउन सजिलो हुन्छ भनेर पनि आइसियुमा राखिएको हो । हाल कुनै ब्याकअपको आवश्यकता नपरेको कोइरालाको स्वास्थ्य सामान्य नै रहेको बताइएको छ । कोइरालालाई गत भदौ २३ मा कोरोना संक्रमण पुष्टि भएको थियो ।