कृष्ण पोखरेल मोरिसभिलमा सरकारी विभागको सल्लाहकारमा नियुक्त
प्रकाशित मिति : भाद्र २७, २०७७ शनिबार
अमेरिकाको नर्थ क्यारोलिना निवासी कृष्ण पोखरेल त्यहाँको मोरिसभिल टाउनको सरकारी विभागको सल्लाहकारमा नियुक्त भएका छन् । उनी सन् २०२२ को जुलाई ३१ सम्म अर्थात् आगामी २ बर्षका लागि नियुक्त भएको सरकारी वेवसाइटमा जनाइएको छ ।
पोखरेल पार्क, रिक्रियसन एण्ड कल्चरल रिसोर्स विभागको सल्लाहकार समितिमा नियुक्त भएका हुन् । मोरिसभिल टाउनको काउन्सिल सदस्यहरुले मतदान गरेर उनलाई नियुक्त गरेको जनाइएको छ ।
यो कमिटिमा पोखरेलसहित ११ जना छन् ।
लामो समय न्युयोर्कमा बस्दै आएका पोखरेल हालै नर्थ क्यारोलिनामा बसाई सराई गरेका थिए । यद्यपी अहिलेपनि उनी न्युयोर्क लाइफ इन्सुरेन्ससँग आवद्ध रहेका छन् । पोखरेल लामो समयदेखि एनआरएन अभियानमा पनि सकृय रहदै आएका छन् ।
आफू जुन स्थानमा बस्यो त्यहाँका विभिन्न निकायमा सहभागी हुँदै स्थानीय स्तरमा नेपाली समुदायको पहुच कायम गर्दै जानुपर्ने पोखरेलले बताए । पछिल्लो समयमा स्थानीय सरकारका विभिन्न निकाय, विभाग र काउन्सिलहरुमा नेपाली अमेरिकनहरुको सहभागिता बढ्दै गइरहेको छ ।
पोखरेल बित्तिय सेवामा प्रमाणित पेशाकर्मी समेत हुन् । द अमेरिकन कलेज अफ फाइनान्सियल सर्भिर्सेजले पोखरेललाई फाइनान्सियल सर्भिसेज सर्टिफाइड प्रोफेशनलको दर्जा प्रदान गरेको थियो ।
