युएससीआईएसले सच्यायो अक्टोबर २ देखि लागु हुने शुल्क परिवर्तनबारेको सुचनाका ८ गल्ती
प्रकाशित मिति : भाद्र १५, २०७७ सोमबार
डिपार्टमेन्ट अफ होमल्याण्ड सेक्युरिटीले आज फेडरल रजिस्टरमा एक सुचना प्रकाशित गर्दै अक्टोबर २ देखि लागु हुने युएससीआईएसका आवेदनको शुल्क परिवर्तनबारेको सुचनाका ८ गल्ती सच्याएको छ । अगस्त ३ मा प्रकाशित नियममा आठवटा प्राविधिक गल्तीहरु भएको र त्यसलाई सच्याउन आज सुचना प्रकाशित गरिएको जनाइएको छ ।
अगस्त ३ मा जारी गरिएको नियमको टेबलमा नियम कार्यान्वयन हुने मिति राख्न छुटेको, केही शब्दहरु अनावश्यक रुपमा परेको र केही राख्न चाहेका शब्दहरु छुटेको जनाएको छ । कतिपय व्याकरणहरु समेत बिग्रकाले त्यसलाई पनि सच्याइएको आज प्रकाशित सुचनामा जनाइएको छ ।
सच्याइएका गल्तीहरु यस्ता छन् ।
अक्टोबर २ बाट लागु हुने नयाँ शुल्क
हालसम्म अमेरिकी नागरिकता आवेदन एन ४०० का लागि अनलाइन आवेदन शुल्क ६४० रहकोमा ५२० डलर बढाएर ११६० बनाइएको छ । कागजीरुपमा फाइल गर्नेहरुले भने ११७० डलर तिर्नुपर्नेछ । अहिलेको प्रावधान अनुशार नागरिकता आवेदन कागजी रुपमा फाइल गर्नका लागि कम आम्दानी हुनेलाई ३२० डलर र अरुलाई ६४० डलर शुल्क रहेकोमा अब सबैले ११७० डलर तिर्नुपर्नेछ ।
आफन्तका लागि ग्रिनकार्ड आवेदन आई १३० फाइल गर्दा अहिलेसम्म ५३५ डलर शुल्क रहेकोमा नयाँ शुल्क अनलाइन फाइल गर्दा ५५० डलर र कागजी फाइल गर्दा ५६० तय गरिएको छ । ग्रिनकार्डको आवेदन आई ४८५ को शुल्क भने १० डलर कम गरेर ११३० तय गरिएको छ । गैरआप्रवासी भिसा थप वा स्टाटस परिवर्तनका लागि अहिलेसम्म ३७० डलर रहेकोमा नयाँ शुल्क अनलाइनबाट फाइल गर्दा ३९० र कागजी रुपमा फाइल गर्दा ४ सय तोकिएको छ ।
वर्क परमिटको शुल्क बढाइएको छैन तर बायोमेट्रिक शुल्क घटाइएको छ । बायोमेट्रिक शुल्क ८५ डलरबाट घटाएर ५५ डलर बनाइएको छ तर डाकाका लागि बायोमेट्रिक शुल्क ८५ डलर नै यथावत राखिएको छ । आई१४० आवेदनको शुल्क पनि घटाइएको छ । अहिले यो शुल्क ७ सय डलर रहेको छ तर नयाँ शुल्कमा २४५ डलर घटाएर ५५५ डलर कायम गरिएको छ ।
यसअगाडि एसाइलम आवेदन आई ५८९ फाइल गर्न निशुल्क रहेकोमा नयाँ नियम अनुशार ५० डलर शुल्क तोकिएको छ । अन्तिम नियममा अनलाइन आवेदन दिनका लागि प्रोत्साहन गरिएको छ । अनलाइन आवेदन दिनेहरुका लागि शुल्क समेत कागजी आवेदनका तुलनामा कम गरिएको छ ।
सम्पूर्ण शुल्क विवरण 
