नेपालमा ह्वात्तै बढ्यो कोरोना संक्रमितको संख्या, एकैदिन थपिए १ हजार १६
प्रकाशित मिति : भाद्र २, २०७७ मंगलबार
नेपालमा पछिल्लो २४ घण्टामा थप १ हजार १६ जनामा कोरोना भाइरस (कोभिड१९) को संक्रमण देखिएको स्वास्थ्य तथा जनसंख्या मन्त्रालय पुष्टि गरेको छ । योसँगै नेपालमा कुल संक्रमितको संख्या २८ हजार २५७ पुगेको छ।
मन्त्रालयका प्रवक्ता डा. जागेश्वर गौतमका अनुसार संक्रमितमध्ये हालसम्म कोरोना जितेर घर फर्किनेको संख्या १७ हजार ५८० पुगेको छ । पछिल्लो २४ घण्टामा थप ८७ जना उपचारपछि डिस्चार्ज भएका छन् ।
मुलुकभर १० हजार ५६३ सक्रिय सङ्क्रमित छन् ।