राष्ट्रिय झण्डा जलाउँदै गीत तयार, चौतर्फी विरोध
प्रकाशित मिति : भाद्र २, २०७७ मंगलबार
नेपालको साम्प्रदायिक सद्भावमा खलल पु-याउने गीत देशद्रोही सार्वजनिक भएको छ । मङ्गोल हप अफिसियल युट्युब च्यालनमा आइतबार अपलोड भएको भिडिओमा विभिन्न समुदायलाई अश्लिल भाषामा गाली गर्दै नेपाली झण्डा जलाइएको छ । अहिले यो गीतको अहिले सामाजिक सञ्जालमा व्यापक विरोध भैरहेको छ ।
ग्याल्जेन दोर्जे तामाङले ल्याएको गीतले नेपाली मूल्य, मान्याता तथा संस्कृतिमा आपत्तिजनक शब्दको प्रयोग गरिएको छ । मकवानपुरको सल्लेरीमा रहेको विष्णु आधारभूत माध्यामिक विद्यालयको प्राङ्गणमा उक्त भिडियो सुटिङ गरेको देखिन्छ । गीतमा ब्राह्मणलाई देशद्रोही, झण्डालाई ब्रा, ढाका टोपीलाई ढाल जस्ता शब्दको प्रयोग गरिएको छ ।
यसैबीच नेपाली कांग्रेसका प्रवक्ता विश्वप्रकास शर्माले ट्वीटमार्फत यस्ता गतिविधि गर्नेलाई कडा कारबाहीको माग गरेका छन् ।
देशको झण्डा,नक्सा या अन्य कुनैपनी प्रतिक चिन्ह जलाउनेलाई के गर्ने भनेर कुनै छलफल र बहसको आवश्यकतै हुन्न l तत्काल खोजी गर्ने,गिरफ्तार गर्ने र कानुनमा ब्यवस्था भए बमोजिम कडा कार्वाही गर्ने !
नेपालको पहिचान र नेपालीको संवेदनशीलता उपरको प्रहार जोबाट होस् त्यो कहिल्यै क्षम्य हुन्न !
— Bishwa Prakash शर्मा (@bishwaprakash77) August 18, 2020
प्रहरीले थाल्यो अनुसन्धान
नेपालको जातीय द्वन्द्व भड्काउने ‘देशद्रोही’ बोलको गीतविरुद्ध प्रहरी अनुसन्धान थालेको छ । प्रहरीका केन्द्रीय प्रवक्ता एसएसपी कुवेर कडायतका अनुसार सोमबार ‘मंगोल हप अफिसियल’ नामक युट्युव च्यानलबाट सार्वजनिक भएको उक्त विवादीत गीतको विषयमा अनुसन्धान अघि बढाइएको हो । गीतको गायक ग्याल्जेन दोर्जे तामाङको खोजी भैरहेको बताइएको छ ।
गीतको भिडियो :-