काभ्रेका ९८ वर्षीय कोरोना संक्रमित वृद्धको मृत्यु
प्रकाशित मिति : भाद्र २, २०७७ मंगलबार
धुलिखेल अस्पतालमा उपचाररत काभ्रेका एक कोरोना संक्रमितको मृत्यु भएको छ । काभ्रेका प्रमुख जिल्ला अधिकारी श्रवणकुमार तिमल्सिनाका अनुसार धुलिखेल नगरपालिका–७ घर भएका ९८ वर्षीय वृद्धको गएराति मृत्यु भएको हो । पिसाब बन्द हुने समस्या देखिएपछि अस्पतालमा पुगेका ती वृद्धको स्वाव संकलन गरी पिसिआर परिक्षण गर्दा साउन २७ गते कोरोना संक्रमण पुष्टि भएको थियो ।
उपचाररत उनको गएराति मृत्यु भएको हो । योसँगै काभ्रेमा कोरोनाका कारण मृत्यु हुनेको संख्या २ पुगेको छ । यसअघि पाँचखाल-१ की ५० वर्षीया महिलाको ललितपुरस्थित किस्ट मेडिकल कलेजमा उपचारको क्रममा मृत्यु भएको थियो ।