बारामा दुई गाउँबीच झडप, प्रहरीद्वारा १३ राउण्ड हवाइ फायर
प्रकाशित मिति : भाद्र १, २०७७ सोमबार
बारामा माछा मारेको विवादलाई लिएर दुई गाउँबीच झडप भएको छ । सोमबार कुलोमा माछा मारेको विषयमा सिम्रौनगढ नगरपालिका-११ भवानीपुर र आदर्शकोतवाल गाउँपालिका– ६ पटेर्वाका वासिन्दाबीचको झडप भएको हो ।
उक्त झडपलाई नियन्त्रणमा लिन प्रहरीले १३ राउण्ड हवाई फायर गरेको छ । ६ सेल अश्रु ग्यास प्रहार गर्दा पनि झडप नियन्त्रण नभएपछि प्रहरीले हवाई फायर गरेको थियो । झडपका क्रममा चार जना प्रहरी र १२ जना सर्वसाधारण घाइते भएका छन् ।