नेपालमा थप ५८१ जनामा कोरोना संक्रमण
प्रकाशित मिति : भाद्र १, २०७७ सोमबार
![](https://i0.wp.com/www.khasokhas.com/wp-content/uploads/2020/05/IMG_0600.jpg?fit=1500%2C844&ssl=1)
नेपालमा पछिल्लो २४ घण्टामा थप ५८१ जनामा कोरोना भाइरस (कोभिड-१९) को संक्रमण देखिएको स्वास्थ्य तथा जनसंख्या मन्त्रालय पुष्टि गरेको छ । योसँगै नेपालमा कुल संक्रमितको संख्या २७ हजार २४१ पुगेको छ।
मन्त्रालयका प्रवक्ता डा. जागेश्वर गौतमका अनुसार संक्रमितमध्ये हालसम्म कोरोना जितेर घर फर्किनेको संख्या १७ हजार ४९५ पुगेको छ । पछिल्लो २४ घण्टामा थप १६० जना उपचारपछि डिस्चार्ज भएका छन् । ६४.५ प्रतिशत संक्रमित निको भएका छन् ।
मुलुकभर ९ हजार ६३९ सक्रिय सङ्क्रमित छन् । आज नेपालमा ११ हजार ५२० जनाको पिसिआर विधिबाट नमूना परिक्षण गरिएको छ । अहिले क्वारेन्टाइनमा १५ हजार १९८ रहेका छन्। होम आइशोलेशनमा २७०१ जना रहेका छन् ।