कर्मचारीमा कोरोना पोजेटिभ देखिएपछि बुटवल उपमहानगरका सेवा बन्द
प्रकाशित मिति : श्रावण ३२, २०७७ आईतबार
रुपन्देहीको बुटवल उपमहानगरपालिकाको कार्यालयमा कार्यरत कर्मचारीमा कोरोना संक्रमण देखा परेपछि नगरका सेवा अनिश्चतकालका लागि बन्द गरिएको छ । नगरले एक सूचना जारी गर्दै कार्यालयबाट प्रदान गरिने अत्यावश्यक वाहेकका सेवाहरु अर्को सूचना जारी नहुँदासम्मका लागि बन्द रहेको उपमहानगरपालिकाले जनाएको छ ।
शनिबार बुटवल उपमहानगरपालिकाको लेखा शाखामा कार्यरत एकजना अधिकृतमा संक्रमण देखिएको थियो । संक्रमित अधिकृतको सम्पर्कमा रहेका कर्मचारी र जनप्रतिनिधिको पीसीआर परीक्षणबाट आईतबार ३ जना अन्य अधिकृतमा पनि संक्रमण पुष्टि भएको हो ।