जलसमाधी लिनभन्दै माडीखोलामा पसेका लोकनाथ कश्यपको शव भेटियो
प्रकाशित मिति : श्रावण २९, २०७७ बिहीबार
जलसमाधी लिनभन्दै प्युठान र रोल्पाको सिमानामा रहको माडीखोलामा पसेका लोकनाथ कश्यपको शव गढवामा फेला परेको छ । धार्मिक तिर्थस्थल स्वर्गद्वारीको विकाशमा योगदान दिदै आएका कश्यपले जलसमाधि लिनभन्दै खोलामा पसेका थिए ।
उनले स्वर्गद्वारी महाप्रभुको जन्मस्थल मानिने रोल्पा रून्टीगढी , धार्मिक तिर्थस्थल स्वर्गद्वारी र रोल्पा प्यूठान सिमानामा रहेको चत्तुर्भुज मन्दिरबीच विशेष सम्बन्ध रहेको भन्दै प्रचारप्रसार गर्दै आएका थिए ।
पानीमा पस्नु अगाडि उनले मन्दिरमा केही दिन ध्यान समेत गरेको जनाइएको छ । उनको माडी र अरङखोलाको दोभान देविस्थान नजिक त्रिवेणी धाममा अन्तिम दाहासंस्कार गरिएको छ ।