बुटवलको कोरोना अस्पतालमा कपिलवस्तुका २ जनाको मृत्यु
प्रकाशित मिति : श्रावण २७, २०७७ मंगलबार
![](https://i0.wp.com/www.khasokhas.com/wp-content/uploads/2020/08/corona-hospital.jpg?fit=1000%2C555&ssl=1)
रुपन्देहीको बुटवलमा रहेको कोरोना विषेश अस्थायी अस्पतालमा दुई जनाको मृत्यु भएको छ । मृत्यु हुनेहरुमा कपिलवस्तुको कपिलवस्तु नगरपालिका वडा नंं. २ तौलिहवाका ४२ वर्षीय कृष्णकुमार गुप्ता र कपिलवस्तुको कृष्णनगरका २५ वर्षीय प्रदीप तेली रहेका छन् ।
कोरोनाको लक्षण देखिएपछि गुप्ता साउन २५ गते र तेली साउन २७ गते अस्पतालमा भर्ना भएका थिए । गुप्तामा कोरोना संक्रमण पुष्टि भए पनि तेलीको स्वाब परीक्षण हुन बाँकी रहेको र परीक्षण गर्ने तयारी भैरहेको अस्पतालका कोरोना फोकल पर्सन डा सुदर्शन थापाले बताए । दुवै जनालाई भर्ना भएकै दिनदेखि भेन्टिलेटरको सहायतामा उपचार सुरु गरिएको थियो ।