गोंगबुमा सुटकेशमा शरीर र झोलामा टाउको फेला परेको शव कृष्णबहादुरको
प्रकाशित मिति : २६ श्रावण २०७७, सोमबार
काठमाडौंको गोंगबुमा विभत्स हत्या भएको अवस्थामा फेला परेको शव रोल्पाबाट दाङ बसाइँसराइँ गरी हाल काठमाडौंमा बस्दै आएका कृष्णबहादुर बोहराको भएको प्रहरीले पुष्टी गरेको छ ।
काठमाडौंको टोखा नगरपालिका–१० स्थित गोंगबु गणेशस्थानमा सुटकेशमा फेला परेको शवको सनाखत भएको हो ।
मृतक काठमाडौंको नयाँ बजारस्थित एक गार्मेन्टमा कार्यरत रहेको खुलेको छ ।अपराध महाशाखा र काठमाडौं प्रहरीले हत्याबारे अनुसन्धान गरिरहेको छ।
हिजो गोंगबु गणेशस्थान आसपासको छुट्टाछुट्टै स्थानमा सुटकेशमा शरीर र झोलामा टाउको फेला परेको थियो ।