२३ दिनपछि तोडे अभियन्ता ईः ले अनशन
प्रकाशित मिति : श्रावण २५, २०७७ आईतबार
‘इनफ इज इनफ’ अभियन्ता ईः ले २३ दिनका दिन अनशन तोडेका छन् । कोरोना रोकथामका लागि प्रभावकारी कदम चाल्न सरकारलाई माग गर्दै आएका अनशनरत अभियन्ता ईः ले आइतबार बिहान उनी उपचाररत मण्डिखाटारस्थित हृयाम्स अस्पतालमा स्वास्थ्य मन्त्रालय र ‘इनफ इज इनफ’का प्रतिनिधिबीच सम्झौतापत्रमा हस्ताक्षर भएपछि अनशन तोडेका हुन् ।
यसअघि उनमा स्वास्थ्यसमस्या देखिएपछि अस्पताल भर्ना गरिएको थियो । अभियन्ता ईः लगायत युवाले कोरोना रोकथामका लागि प्रभावकारी कदम चाल्नु पर्ने, पीसीआर परीक्षण बढाउनु पर्ने, पूर्वसहमति कार्यान्वयन हुनुपर्ने लगायत माग राखी सत्याग्रह जारी राखेका थिए । अभियन्ता ईः दोस्रो पटक सत्याग्रहमा बसेका हुन् ।