प्रदेश नम्बर एक : १९ प्रहरीसहित ३१ जनालाई कोरोना संक्रमण पुष्टि
प्रकाशित मिति : श्रावण ११, २०७७ आईतबार
प्रदेश १ प्रहरी कार्यालयका कार्यरत एक महिलासहित १९ जनामा कोरोना संक्रमण पुष्टि भएको छ । आइतबार प्रदेश १ मा ३१ जनालाई कोरोना भाईरस (कोभिड–१९) पोजेटिभ देखिएकोमा प्रहरी मात्रै १९ जना रहेका हुन् ।
प्रदेश १ प्रहरी कार्यालयका प्रवक्ता दिपक पोखरेलले संक्रमित संख्याका प्रहरीलाई पीयू कोभिड आइसोलेशन अस्पताल गोठगाउँ उपचारका लागि भर्ना गरिएको जानकारी दिनुभयो । उहाँले यस अघि संक्रमण पुष्टि भएका पाँचजनाको सम्पर्क पहिचानसँगै १४६ जनाको स्वाब नमूना संकलन गरिएको थियो । संकलन गरिएका स्वाब परीक्षणकै क्रममा रहेका छन् ।
आइतबार मोरङमा २२ र इलाममा ९ जनालाई संक्रमण पुष्टि भएको सामाजिक विकास मन्त्रालय स्वास्थ्य महाशाखाले जानकारी दिइएको छ । मोरङमा विराटनगरका तीन महिनासहित २२ जना रहेका छन् । यसैगरी इलाम जिल्लाको इलाम नगरपालिकामा ८ र माई नगरपालिकामा १ जना पुरुषमा संक्रमण पुष्टि भएको मन्त्रालयले जानकारी दिइएको छ । प्रदेश १ माकोरोना संक्रमितको संख्या ९२२ पुगेको छ ।
प्रदेश १ मा आइतबार १२ जना डिस्चार्ज भएका छन् । कोशी अस्पताल कोभिड १९ उपचार केन्द्रमा उपचाररत ८ महिलार ४ पुरुष डिस्चार्ज भएका हुन । प्रदेश १ मा डिस्चार्ज हुनेको संख्या ७४७ पुगेको छ ।