नेकपाले बोलायो आकस्मिक सचिवालय बैठक
प्रकाशित मिति : श्रावण २, २०७७ शुक्रबार
सत्तारुढ नेपाल कम्युनिस्ट पार्टी (नेकपा)ले सचिवालय समितिको बैठक साउन ३ गतेका लागि बोलाएको छ । शुक्रबार प्रधानमन्त्री निवास बालुवाटारमा अध्यक्षद्वय केपी शर्मा ओली र पुष्पकमल दाहाल‘प्रचण्ड’ बीच भएको भेटमा शनिबार सचिवालय बैठक बस्ने सहमति भएको हो।
शनिबार ३ बजेका लागि सचिवालय बैठक बोलाइएको एक सचिवालय सदस्यले बताए । शुक्रबार दुई अध्यक्षबीच छलफल भएपछि स्थायी कमिटी बैठक साउन ४ गते बोलाउने र त्यसअघि सचिवालय समितिको बैठक बस्ने सहमति भएको ती सदस्यले बताए ।
चालु स्थायी कमिटीको बैठकमा बहुमत सदस्यले पार्टी र सरकार सञ्चालनमा ओली असफल भएको भन्दै प्रधानमन्त्री र अध्यक्ष दुवै पदबाट राजीनामा मागेपछि विवाद बढेको हो । सहमति खोज्नका लागि दुई अध्यक्षबीच भेटवार्ता जारी छ तर, छलफल भने निष्कर्षमा पुगेको छैन