अमिताभ बच्चन र अभिषेक बच्चनलाई कोरोना संक्रमण, अस्पताल भर्ना
प्रकाशित मिति : असार २७, २०७७ शनिबार
![](https://i0.wp.com/www.khasokhas.com/wp-content/uploads/2019/03/Amitabh-Bachchan-Family-Tree-Wife-Son-And-Daughter-In-Laws-Photos.jpg?fit=734%2C551&ssl=1)
बलिउडका चर्चित कलाकार अमिताभ बच्चनलाई कोरोना संक्रमण पुष्टी भएको छ । उनले सामाजिक सञ्जाल फेसबुकमार्फत आफूलाई कोरोना संक्रमण पुष्टी भएको जानकारी दिएका हुन् ।
कोरोना संक्रमण पुष्टी भएपछि अस्पतालमा भर्ना भएको उनले जानकारी दिएका छन् । अस्पतालले सम्बन्धित निकायलाई जानकारी दिएको तथा परिवार र कर्मचारीहरुको पनि कोरोना परीक्षण गरिएको उनले सामाजिक सञ्जालमार्फत जनाएका छन् ।
T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !— Amitabh Bachchan (@SrBachchan) July 11, 2020
परिवारका सदस्य र कर्मचारीहरुको परीक्षणको नतिजा भने आइसकेको छैन । विगत १० दिनमा आफ्नो नजिकमा आएका सबैलाई परीक्षण गराउन अमिताभ बच्चनले अनुरोध गरेका छन् । बच्चनमा कोरोना संक्रमणका कस्ता लक्षणहरु रहेका छन् भन्नेबारे केही बताइएको छैन ।
यसैबीच अभिषेक बच्चनले पनि आफूलाई कोरोना संक्रमण पुष्टी भएको बताएका छन् । पिता र आफूमा कोरोना संक्रमणको सामान्य लक्षणहरुमात्र देखिएको र दुबैजना अस्पतालमा भर्ना भएको उनले बताएका छन् । उनले सबैलाई नआत्तिन र शान्त रहन आग्रह गरेका छन् ।
Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. ??
— Abhishek Bachchan (@juniorbachchan) July 11, 2020
अहिलेसम्म भारतमा झण्डै साढे ८ लाखमा कोरोना संक्रमण पुष्टी भइसकेको छ । अमेरिका र ब्राजिलपछि सबैभन्दा धेरै संक्रमण पुष्टी हुनेमा भारत रहेको छ । भारतमा संक्रमणबाट साढे २२ हजार भन्दा धेरैको मृत्यु भएको छ ।
नेपालमा अहिलेसम्म १६ हजार ७ सय १९ जनामा संक्रमण पुष्टी भएको छ । संक्रमितहरुमध्ये ३८ जनाको मृत्यु भइसकेको छ ।