पत्रकार किरण मरहठ्ठा अब खसोखासमा भिडियो सेक्सन प्रमुख
प्रकाशित मिति : जेष्ठ २६, २०७७ सोमबार
न्युयोर्क निवासी पत्रकार किरण मरहठ्ठाले अब खसोखासमा भिडियो सेक्सन प्रमुखका रुपमा योगदान दिने भएका छन् । उनले खसोखासमा अब कार्यक्रम प्रस्तोता र मल्टिमिडिया सम्पादकका रुपमा औपचारिक भूमिका निर्वाह गर्नेछन् ।
२० बर्षदेखि नेपाली संचारमाध्यममा सकृय पत्रकार किरण मरहठ्ठा वुटवल एएफएम, नेपाल टेलिभिजन, गोर्खा एफएम र एबीसी टेलिभिजनमा चर्चित नाम हो । उनले एबीसी टेलिभिजनमा हरेक दिन समसामायिक विषयमा कार्यक्रम संचालन गर्दै आएका थिए । एबीसी टेलिभिजनमा डेपुटी जनरल मेनेजर समेत भएका उनले क्रसचेक, एबीसी वाच र नागरिक सम्बाद कार्यक्रम चलाउँथे ।
मेस्सी द मेन एट बार्सा नामको बृत्तचित्र निर्माण गरेका उनले अमेरिका आइसकेपछि द होप, मिडिया इन मास र हु इज हु लगायतका पुस्तकहरु प्रकाशन गरिसकेका छन् । उनले अमेरिकी मुलधारका विभिन्न राजनीतिज्ञसँग समेत टेलिभिजन शोहरु गरिसकेका छन् ।