युएससीआईएस भोलिदेखि खुल्ने, अध्यामगन अदालतका आम सुनुवाई जुन २६ सम्म स्थगित
प्रकाशित मिति : जेष्ठ २१, २०७७ बुधबार
युएससीआईएसले भोलिदेखि आफ्ना केही फिल्ड अफिसहरु खोल्ने भएको छ । युएसीआईएसमा सेवाग्राही उपस्थीत हुनुपर्ने सबै सेवाहरु मार्च १८ देखि स्थगित गरिएका थिए ।
युएससीआईएसका फिल्ड अफिसहरु, एसाइलम अफिसहरु र एप्लीकेशन सर्पोट सेन्टरहरु बन्द हुनुका साथै बायोमेट्रिक अप्वाइन्टमेन्ट, अन्तरवार्ता, नागरिकता वितरण समारोह र अन्य अप्वाइन्टमेन्टहरु स्थागित गरिएका छन् । सबै अप्वाइन्टमेन्ट, अन्तरवार्ता, नागरिकता वितरण समारोह लगायतका लागि युएससीआईएसले नयाँ सुचना पठाउनेछ ।
युएससीआईएसले केही मापदण्डहरु तोकेर भोलिदेखि सेवा सुचारु गर्ने तयारी गरेको हो । जस अन्तरगत सेवाग्राहीहरुलाई ५ वटा मापदण्ड पूरा गर्न सुझाव दिइएको छ ।
पहिलो, सेवाग्राहीलाई खोकी, ज्वरो, स्वासप्रश्वासमा समस्या जस्ता कोभिड १९ का लक्षण भएमा, विगत १४ दिनमा कोरोना संक्रमित वा आशंका भएको व्यक्तिको सम्पर्कमा आएको भएमा वा विगत १४ दिनमा सेल्फ आइसोलेसन वा सेल्फ क्वारेन्टाइनमा बस्न भनिएको अवस्थामा युएससीआईएसको अफिसमा नआउन सुझाव दिइएको छ ।
दोश्रो, सेवाग्राहीहरुलाई अप्वाइन्टमेन्टको समयभन्दा १५ मिनेट अगाडिमात्र आउन सुझाव दिइएको छ । नागरिकता वितरण समारोह भएमा ३० मिनेट अगाडि आउन सुझाव दिइएको छ ।
तेश्रो, कार्यालय छिर्ने बेलामा सेबाग्राहीहरुलाई ह्याण्ड सेनिटाइजर उपलब्ध गराइने र सबैलाई सेनिटाइजर प्रयोग गरेरमात्र कार्यालय छिर्न सुझाव दिइएको छ ।
चौथो, कार्यालयमा छिर्दा नाक र मुख छोप्नेगरी मास्क लगाउन वा मास्क नभएमा अन्य कपडाले मुख छोप्न सुझाव दिइएको छ । सेवाग्राहीलाई फोटो लिने बेलामा वा परिचय सुनिश्चित गर्ने बेलामा केहीबेर मास्क वा अनुहार छोपेको कपडा हटाउन लगाइनेछ । कार्यालयमा छिर्दा सामाजिक दुरीका मापदण्ड समेत पालना गर्नुहुनेछ ।
पाँचौं, सेवाग्राहीलाई कार्यालयमा आउँदा निलो वा कालो मसी भएको आफ्नै कलम ल्याउन सुझाव दिइएको छ ।
अदालती सुनुवाई जुन २६ सम्म स्थगित
अमेरिकाका अध्यागमन अदालतहरुमा हिराशतमा रहेकाहरुबाहेक अन्यका अदालती सुनुवाईहरु जुन २६ सम्म स्थगित गरिएको छ । होनोलुलुको अध्यागमन अदालतमा भने सबैका अदालती सुनुवाईहरु जुन १५ बाट सुचारु हुनेछन् ।
The Honolulu Immigration Court will resume hearings in non-detained cases on Monday, June 15, 2020. Hearings in non-detained cases at other immigration courts are postponed through, and including, Friday, June 26, 2020. Please monitor EOIR's web page for additional information.
— DOJ EOIR (@DOJ_EOIR) May 29, 2020
अमेरिकाका अधिंकाश अध्यागमन अदालतहरु हिराशतमा रहेकाहरुका सुनुवाई र फाइलिंगका लागि खुल्ला रहेपनि पछिल्लो पटक भएका हिंश्रक प्रदर्शनका कारण केही अदालतहरु बन्द भएका छन् भने केहीको खुल्ने तालिकामा फेरवदल भएको छ ।