नेपाल र भारतको सिमा क्षेत्रमा १०८ एकडको शान्ति बगैचा बनाउने प्रस्ताव


प्रकाशित मिति : जेष्ठ ११, २०७७ आईतबार

नेपाल र भारतबीचको सिमा विवाद चर्किरहेको बेलामा नेपाल र भारतको सिमा क्षेत्रमा १०८ एकडको शान्ति बगैचा बनाउने प्रस्ताव गरिएको छ । इमाजिन्डिया नामको संस्थाले आज एक वक्तब्य जारी गर्दै नेपाल र भारतबीचको विवादित १०८ एकड जमिन छुट्याएर शान्ति बगैचा बनाउनुपर्ने प्रस्ताव गरेको छ ।

दुबै देशले सिमाविवाद कुटनीतिक वार्तामार्फत समाधान चाहेको बताउँदै दुबै देशहरु एक उच्चस्तरको सहमति कायम गरेर नो म्यान्स ल्याण्ड पहिचान गर्न सक्ने उक्त संस्थाको भनाई छ । यो मित्रताको प्रतिक हुने र शान्ति तथा समझदारीको साझा मूल्य हुने उक्त संस्थाको विश्वास रहेको छ ।

वक्तब्यमा भनिएको छ – ‘नेपाल र भारतले दीर्घकालिन सद्भाव र सम्बन्धको न्यायोपनलाई बिगार्नसक्ने मतभेद बढ्न नदिन शीघ्र कदम चाल्नुपर्छ । दुइदेशबीचको सिमानामा बनाइने एउटा वा धेरै बगैचाले दुईदेशबीचको भिन्नताको रचनात्मक समाधान गर्नेछ भने नेपाल र भारतबीचको सम्बन्ध दीर्घकालसम्म सुमधुर बनाउनेछ ।’

हिन्दु र बौद्ध धर्ममा १०८ को विशेष महत्व भएकाले १०८ एकड जमिनमा बगैचा बनाउन प्रस्ताव गरिएको छ । कैलाश मानसरोवर जाने बाटोमा एकसय ८ एकड जमिनमा बगैचा बनाउँदा भगवानका लागि नेपाल र भारतका तर्फबाट संयुक्त रुपमा शान्ति र मानवीयताको प्रसाद हुने इमाजिन्डियाको भनाई छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com