कोरोना राहत : बच्चाका लागि ५ सय डलर दावी गर्ने म्याद २ दिन बाँकी
प्रकाशित मिति : बैशाख ८, २०७७ सोमबार
कोरोनाको महामारीबाट उत्पन्न आर्थिक संकटसँग जुध्न अमेरिकी सरकारले राहत रकम करदाताको खातामा पठाउन सुरु गरेको छ । तर सामाजिक सुरक्षा, अपांगता र भेट्रान भत्ता पाइरहेकाहरुका लागि १६ बर्षभन्दा कम उमेरका बच्चाका लागि ५ सय डलर दावी गर्ने म्याद २ दिनमात्र बाँकी छ ।
सामाजिक सुरक्षा, अपांगता र भेट्रान भत्ता पाइरहेकाहरुले आगामी बुधबारसम्म आफ्ना १६ बर्षभन्दा कम उमेरका बच्चाबारे आईआरएसलाई जानकारी नदिएमा उनीहरुले थप ५ सय डलर प्राप्त गर्नेछैनन् । आईआरएसले बुधबारसम्म उक्त जानकारी आईआरएसमा पठाउन सचेत गराएको छ ।
Several RRB and SSA benefit recipients with eligible children must act by Wednesday, April 22 to add money to their Economic Impact Payments. Register with the #IRS Non-Filers’ tool: https://t.co/FjXU7pGWeq #COVIDreliefIRS Help spread the word — @USTreasury @SocialSecurity pic.twitter.com/phlKkwH324
— IRS (@IRSnews) April 20, 2020
आफ्नो योग्य बच्चाको विवरण बुझाउन यहाँ क्लीक गर्नुहोला ।
सामाजिक सुरक्षा, अपांगता र भेट्रान भत्ता पाइरहेकाहरुले १२ सय डलर प्राप्त गर्नका लागि कुनै कदम चाल्न आवश्यक छैन । उनीहरुको खातामा स्वत रकम पठाइनेछ । तर उनीहरुका योग्य बच्चा भएनभएकोबारे आईआरएसलाई थाहा छैन । त्यसैले उनीहरुले योग्य बच्चाको विवरण बुझाउन जरुरी छ ।
सोमबार आईआरएसले वक्तब्य जारी गरेर अहिले योग्य बच्चाबारे जानकारी नदिनेहरुलाई सन् २०२० को ट्याक्स रिटर्न फायल गर्दा रकम उपलब्ध गराइने जनाएको छ । सामाजिक सुरक्षा, अपांगता र भेट्रान भत्ता पाइरहेकाहरुले अरु सुविधा जसरी पाइरहेका छन् यो राहत पनि उसरी नै पाउनेछन् । यो रकम अप्रिलको अन्तिमसाताबाट पठाउन सुरु गरिनेछ ।