दुई छोरी र श्रीमती सहित पोर्चुगल बस्दै आएका नेपाली युवाको निधन
प्रकाशित मिति : चैत्र २२, २०७६ शनिबार
– हरिकृष्ण पन्थी
पोर्चुगलमा एकजना नेपालीको निधन भएको छ । पोर्तुगलको कास्काइसमा बस्दै आएका चितवनका ४१ बर्षका प्रकाश गुरुङको विहीबार मृत्यु भएको हो ।
पोर्चुगलमा व्यवसाय गर्दै आएका गुरुङलाई ब्रेन ट्युमरको समस्या थियो । उनको स्थानीय अस्पतालमा उपचारको क्रममा मृत्यु भएको हो । उनी सपरिवार पोर्चुगलमा बस्दै आएका थिए ।
८ बर्ष अगाडि पोर्चुगल आएका उनका ५ र १० वर्षीया दुई छोरी र श्रीमती हालसालै पोर्चुगल आएका थिए ।उनको अन्तिम संस्कारको लागि प्रकृया अगाडि बढाइएको छ । सक्दो छिटो अन्तिम दाह संस्कार गर्ने पारिवारिक श्रोतले जनाएको छ ।
बुधबारसम्म दाहसंस्कार गर्ने एनआरएनए पोर्चुगलका अध्यक्ष तिलक गैरैले बताएका छन् । अन्तिमसंस्कारका लागि अपनाउनुपर्ने प्रकृयाका लागि आफूहरुले जुटिरहेको उनले जानकारी दिए ।
पोर्तुगलमा सन २०१० यता ३३ नेपालीले ज्यान गुमाइसकेका छन् ।