जन्मनेबित्तिकै रुनुको साटो रिसाएपछि…


प्रकाशित मिति : फाल्गुन ११, २०७६ आईतबार

ब्राजिलको रियो दि जेनेरियो अस्पतालमा जन्मेकी एक शिशु जन्मनेबित्तिकै रुनुको साटो रिसाएपछि उक्त तस्वीर विश्वब्यापी रुपमा भाइरल भइरहेको छ । इसाबेला नामकी ती बालिकालाई जन्मनेबित्तिकै रुवाउने प्रयास गरिएको थियो तर उनी नरोएर रिसाइन् ।

शिशुलाई डाक्टरले रुवाउन खोज्दा उनले बनाएको अनुहारको प्रतिक्रिया एकजना ब्राजिलियन फोटोग्राफरले कैद गरेका थिए । रोडरिगो कुन्स्ताम्यानले कैद गरेको तस्वीरमा ती शिशुले दिएको अनुहारको प्रतिकृयाले अहिले चर्चा बटुलेको छ ।

फोक्सोले काम गरेको छ कि छैन जाँच्न चिकित्सकले उनलाई रुवाउन खोजेका थिए । चिकित्सकले शिशुको नाभी काट्नुअघि नै रुवाउन खोजेका थिए। उनले आँखा उघारेर हेरिन्, तर रोइनन् । बरु गम्भीर प्रतिक्रिया देखाइन् ।

नाभी काटेपछि भने ती बालिका रोएकी थिइन् । अहिले बालिकाका अन्य तस्वीरहरु पनि सार्वजनिक भइरहेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com