हलिउडदेखि जेलसम्म : सन् २०१९ मा पक्राउ परेका टपटेन सेलिब्रेटी

कानुनभन्दा माथि कोही पनि हुँदैन । चाहे उच्चपदस्थ होउन् वा सेलिब्रेटी, सबैले कानुनको पालना गर्नुपर्छ । यो बर्ष हलिउडमा २७ बर्षदेखि ८१ बर्षसम्मका सेलिब्रेटीहरु कानुन उल्लंघन गरेको अभियोगमा समाचारको हेडलाइनमा रहे ।

एसप रकी र उनको टिमले स्टकहोमको स्ट्रीटमा मान्छेमाथि आक्रमण गरेको अभियोग लगाइएको थियो । यो घटनाले अमेरिकी राष्ट्रपति डोनाल्ड ट्रम्पको र न्युयोर्कका सांसदहरुको समेत ध्यानाकर्षण गरेको थियो । उनीहरुले स्वीडेनमा पक्रउ परेका ती कलाकारलाई रिहा गर्न माग गरेका थिए । झण्डै एकमहिना जेलमा राखेर उनलाई १३ सय डलर जरिवानासहित रिहा गरिएको थियो ।

दुईजना धनी टिभी स्टारहरु फैलिसिटी हफम्यान र लोरी लफलिन आफ्ना बच्चालाई ठूलो कलेजमा भर्ना गराउन घुस र आर्थिक लेनदेनको धन्दा गरेको अभियोगमा पक्राउ परे । हफम्यानलाई ११ दिन जेलमा राखियो भने उनले आफ्नो छोरीको स्याट स्कोर बढाउन १५ हजार डलर घुस दिएको स्वीकार गरिन् । त्यस्तै लफलिन र उनका पतिलाई आफ्ना छुई छोरीहरु राम्रो विश्वविद्यालयमा पढाउन ५ लाख डलर घुस दिएको अभियोग थियो ।

Loading...

चर्चित कलाकार साम हन्ट गत महिना जेल परे । टेनिसीमा मादक पदार्थ सेवन गरेर गलतबाटोमा गाडी चलाइरहेका बेला उनी पक्राउ परेका थिए । ३४ बर्षका गायक तथा संगीतकार हन्टले पछि सार्वजनिक रुपमा समेत माफी मागेका थिए ।

कलाकार जस्सी स्मोललेटले सन् २०१९ को सुरुतिर एउटा हल्ला फैलाए । गत जनवरीमा अश्वेत र समलिंगी यी ३७ बर्षका कलाकारले आफूमाथि आक्रमण भएको, लैंगिक गालिगलौज भएको र उनको घाँटीमा डोरी राखिएको बताए । तर पछि उनले यो हल्ला केवल चर्चा कमाउनका लागि गरेको प्रमाणित भयो । त्यसपछि प्रहरीले उनलाई पक्राउ मात्र गरेन, उनले चलाएको हल्लाको अनुसन्धानका लागि खर्च भएको १ लाख ३० हजार डलरको क्षतिपूर्ति समेत भरायो ।

Loading...

कलाकार बम मारगारा लस एन्जलसको सुविधासम्पन्न होटलमा अनाधिकृत रुपमा घुसेको अभियोगमा प्रहरीको फन्दामा परे । उनी होटलको लवीमा गएर धोका दिने दम्पत्तिको जासुसीका लागि कसैलाई काममा राख्नेबारे कुरा गरेको भिडियो सार्वजनिक भएको थियो ।

अर्का कलाकार आर केली बालबालिकामाथिको यौन दुब्र्यबहारको अभियोगमा पक्राउ परे । गत फरबरीमा शिकागोको प्रहरीले उनलाई कम्तीमा ४ जना १३ बर्ष मुनीका बालबालिकामाथि यौन दुब्र्यबहार गरेको अभियोगमा पक्राउ गरेको थियो । पछि न्युयोर्कको संघीय अभियोजन कर्ताले बालबालिकामाथि दुब्र्यबहार गरेपछि बाबुआमालाई रकम तिरेको अभियोग ती कलाकारमाथि लगाएका थिए ।

Loading...

ओस्कार विजेता कलाकार जेन फोण्डा अक्टोबरदेखि यता कम्तीमा ४ पटक पक्राउ परिन् । तर उनीभने जलवायु परिवर्तनका सन्दर्भमा गरिएको प्रदर्शनका क्रममा पक्राउ परेकी हुन् । उनलाई एकरात त जेलभित्रै पनि राखियो । उनले प्रदर्शनका क्रममा नियमहरु तोडेको अभियोगमा प्रहरीले पक्राउ गरेको थियो ।

ग्रामी अवार्डको नोमिनेशनमा परेका कलाकार २१ साभेज अध्यागमनको फन्दामा परे । उनी अमेरिकामा गैरकानुनी रुपमा बसोबास गरेको भन्दै अध्यागमनले पक्राउ गरेर ९ दिनसम्म हिराशतमा राखेको थियो । पछि उनको मुद्दा अदालतमा चल्नेगरी रिहा गरिएको थियो ।


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com