भोलि न्युयोर्कमा ४ इन्चसम्म हिमपात हुनसक्ने
प्रकाशित मिति : मंसिर १४, २०७६ शनिबार
भोलि आइतबार न्युयोर्कमा ४ इन्चसम्म हिमपात हुनसक्ने मौषमविदहरुले चेतावनी दिएका छन् । न्युयोर्क सिटीमा भोलि विहान १० बजेदेखि हिमपात सुरु हुने र एकबजेपछि वर्षामा परिणत हुने जनाइएको छ ।
भोलि दिनभर वर्षा हुने र सोमबार पुन हिमपात हुने अनुमान गरिएको छ । न्युयोर्क सिटीका विभिन्न भागमा एकदेखि ४ इन्चसम्म हिमपात हुनेछ ।
न्युयोर्क सिटीमा ७०५ नुन छर्ने गाडीहरु तैनाथ अवस्थामा राखिएको छ । २ इन्चसम्म हिमपात भएपछि हिउ सोहोर्ने १५ सयभन्दा धेरै गाडीहरु पनि परिचालन गरिनेछ ।
हडसन भ्यालीमा ६ देखि १२ इन्चसम्म हिमपातको अनुमान गरिएको छ भने न्युजर्सीका बासिन्दाले पनि हिमपात बेहोर्नुपर्नेछ । खासगरी सोमबार विहान यात्रा गर्नेहरुका लागि अवस्था नराम्रो हुनेछ ।
