“नेपाल भारत सिमानामा पर्खाल लगाउनुपर्छ”


प्रकाशित मिति : फाल्गुन २७, २०७३ शुक्रबार

काठमाडौं, २७ फागुन । नेपाल भारत सिमा विवादको दिर्घकालिन समाधानका लागि दुई देशबीचको  सिमानामा स्थायी पर्खाल निर्माण गर्नु पर्ने  सरोकारवालाहरुले बताउनु भएको छ ।

एबीसी न्यूजको नियमित टक सो एबीसी वाचमा कुरा गर्दै सिमाविद् बुद्धिनारायण श्रेष्ठ र नेकपा एमालेका नेता एवं सांसद यज्ञराज सुनुवारले नेपाल भारत सिमा विवादको दिर्घकालिन समाधानका लागि दुई देशबीचको  सिमानामा स्थायी पर्खाल निर्माण गर्नु पर्ने  बताउनु भएको हो  । बारम्बार भारतिय पक्षबाट नेपाली भुमि मिच्ने काम भए पनि नेपाल सरकार निरिह भएको उहाँहरुको भनाई छ ।

भारतीय पक्षले सिमानाको जंगे पिल्लर हटाएर नेपाली भुमि मिच्ने गरेकोले सिमानामा स्थायी पर्खाल लगाउनु पर्ने सिमाविद् श्रेष्ठको भनाई छ । एमाले नेता सुनुवारले भने सिमानामा भारतीय सुरक्षा फौजबाट एक नेपाली नागरिको मृत्यु हुदासमेत सरकार निरिह बनेको आरोप लगाउनुभयो । सिमा क्षेत्रमा देखिने समस्या समाधानका लागि सबै दलहरुले  एउटै धारणा बनाउनु पर्ने उहाँको भनाई छ ।

विहिबार कंचनपुरको आनन्द बजारमा नेपाली भुमिमा निर्माणाधिन कल्भर्टको विषयलाई लिएर भारतिय पक्षले हस्तक्षेप गरेपछि बढेको विवादमा भारतिय सिमा सुरक्षा बल एसएसबीको गोली लागेर गोविन्द गौतमको मृत्यु भएको छ ।

नेपाल भारतबीचको १८ सय ८० किलोमिटरको खुल्ला सिमानामा बारम्बार भारतीय पक्षबाट नेपाल भुमि मिच्ने एवं नेपालीमाथि ज्यादती हुने गरेको घटना सार्वजनिक हुने गरेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com