न्युयोर्क र क्यालिफोर्नियामा विर्यदानका लागि आवेदन खुल्ला, मासिक आम्दानी १५ सय डलर
प्रकाशित मिति : कार्तिक १८, २०७६ सोमबार
अमेरिकाको स्पर्मबैंकले बिर्यदान गरेर मासिक १५ सय डलरसम्म कमाउन सकिने भन्दै बिर्यदानका लागि आवेदन खुलाएको छ । न्युयोर्क, क्यालिफोर्निया, बोस्टन लगायतका क्षेत्रमा बस्नेहरुले त्यसका लागि आवेदन दिन सक्नेछन् ।
न्युयोर्कमा ग्रयाण्ड सेन्ट्रल एभिन्युदेखि एक ब्लक नजिक लेक्जिंटन एभिन्युमा विर्य सकलनका लागि कार्यालय समेत खोलिएको छ । न्युयोर्कमा खोलिएको कार्यालय सबैभन्दा नयाँ हो ।
बिर्यदान गर्नका लागि ५ फिट ८ इन्चभन्दा बढी उचाइ हुनुपर्ने, १९ देखि ३८ बर्षबीचको उमेरको हुनुपर्ने, कलेज गइरहेको वा दुईबर्षे तथा चारबर्षे कोर्स ग्रयाजुएट गरेको हुनुपर्ने, स्वस्थ्य हुनुपर्ने र अमेरिकामा कामगर्ने अनुमति पाएको हुनुपर्ने लगायतका प्रावधान रहेका छन् ।
बिर्यदान गर्नेहरुलाई मासिक १५ सय डलरसम्म दिइने, निशुल्क स्वास्थ्य चेकअप गरिने लगायतका सुविधाहरु समेत रहेका छन् । बिर्यदान गरेको परिचय भने गोप्य राखिनेछ ।
बिर्यदानका लागि आबेदन आब्हान गरेको स्पर्म बैंक सन् १९७७ मा स्थापना गरिएको हो । ३५ बर्षभन्दा लामो समयदेखि कृयाशिल यो बैंक विश्वको नम्बर १ बिर्यबैंकका रुपमा स्थापित रहेको छ ।
बिर्यदानका लागि आवेदन दिइसकेपछि बैंकले सम्पर्क गर्नेछ । त्यसपछि बैंकको शाखामा गएर एउटा गोप्य कोठामा गई बिर्य निकालेर दिनुपर्छ । सबै प्रकृया पूरा भई आवेदन स्वीकृत भएमा हप्ताको दुईदेखि तीनपटकसम्म बिर्यदान गर्न सकिनेछ ।
आवेदन दिन चाहनेहरुले यहाँ क्लिक गर्नुहोला ।