नेब्रास्कामा १४ कागजपत्रविहिन आइसको नियन्त्रणमा
प्रकाशित मिति : कार्तिक ७, २०७६ बिहीबार
युएस इमिग्रेशन एण्ड कस्टम इन्फोर्समेन्ट आइसले नेब्रास्काको मेडिसनबाट १४ जना कागजपत्रविहिनलाई नियन्त्रणमा लिएको छ । बुधबार आइसको छापामा उनीहरुलाई नियन्त्रणमा लिइएको जनाइएको छ ।
आइसका विशेष एजेण्टले मेडिसनको डी एण्ड डी उद्योगमा छापा मारेका थिए । त्यही क्रममा १४ जना कागजपत्रविहिनहरु पक्राउ परेका हुन् । पक्राउ पर्नेमा ११ जना मेक्सिकन र ३ जना ग्वाटेमालाका नागरिक रहेका छन् ।
आइसले कार्यस्थलमा छापालाई निरन्तरता दिने क्रममा उनीहरुलाई नियन्त्रणमा लिएको हो । उनीहरु सबैलाई आइसको हिराशतमा राखिएको छ ।