समलिंगी तथा तेश्रो लिंगी परेडमा विदेशी राजदूत र सेलिब्रेटीहरु
प्रकाशित मिति : श्रावण ३१, २०७६ शुक्रबार
समलिंगी तथा तेश्रो लिंगीहरुले गाईजात्राको अवसर पारेर काठमाण्डूमा निकालेको परेडमा ऐक्यवद्धता जनाउन विभिन्न देशका राजदूतहरु र नेपाली सेलिब्रेटीहरु पुगेका छन् । परेडको सुरुमा ऐक्यवद्धताका लागि अमेरिकन राजदूत र्याण्डी बेरी, जर्मन दूतावासकी सांस्कृतिक प्रतिनिधि पउला वेर्नर र अष्ट्रेलियन राजदूत पिटर बड लगायत पुगेका थिए ।
त्यस्तै नेपाली सेलीब्रेटीहरु माल्भिका सुब्बा, प्रियंका कार्की, लेक्स लिम्बु, दिपक लिम्बु, हेमन्त शर्मा, प्राश्ना शाक्य, लेखराज गुरुंग, सबिन लिम्बु, सबनम श्रेष्ठ लगायत पनि परेडमा पुगेका थिए ।
लण्डन निवासी ब्लगर तथा सामाजिक अभियन्ता लेक्स लिम्बुले हालै आफू समलिंगी भएको खुलासा गरेका थिए । उनी परेडमा सहभागिताका लागि लण्डनबाटै काठमाडौं आएका हुन् ।
समलैंगिक गौरवता झल्काउन र एक वर्षयता मृत्यु भएका समलिङ्गी तथा तेश्रो लिंगीहरूको सम्झना गर्दै मृतकको आत्माको चीर शान्तिको कामना र श्रद्धाञ्जली रुवरुप परेडको आयोजना गरेको निलहिरा समाजकी अध्यक्ष पिंकी गुरुंगले बताइन् ।
LGBT Parade about to start from Thamel #LGBT #Pride #Nepal pic.twitter.com/bdCQzIKzAI
— lexlimbu (@lexlimbu) August 16, 2019
ठमेलबाट निस्किएको उक्त परेड टुडिखेलमा गएर अन्त्य भएको थियो। टुडिखेलमा रेन्बो कन्सर्टको समेत आयोजना गरिएको थियो । बर्षाका बाबजुत पनि कन्सर्टमा दर्शकहरुको बाक्लो उपस्थीति रहेको थियो ।
खसोखासका लागि फोटोग्राफर दिपेन्द्र ढुंगानाले खिचेका केही तस्वीरहरु तल । माथिका तस्वीरहरु अष्ट्रेलियन र जर्मन दूतावासको सामाजिक सञ्जालबाट लिइएको हो ।
#Nepal celebrates #Gaijatra today! It is a culturally important occasion to remember deceased family members; foster freedom of expression through drama, parodies, and cartoons; and lately, to express solidarity with the #LGBTI community! pic.twitter.com/obfpbJg4XF
— Ambassador Randy Berry (@USAmbNepal) August 16, 2019