दरबार हाईस्कुलको निर्माण कार्य सम्पन्न
प्रकाशित मिति : जेष्ठ १०, २०७६ शुक्रबार
{“caption”:”u091au093fu0928u093fu092fu093eu0901 u0938u0930u0915u093eu0930u0915u094b u0938u0939u092fu094bu0917u092eu093e u092cu0928u094du0928 u0932u093eu0917u0947u0915u094b u0926u0930u092cu093eu0930 u0939u093eu0908u0938u094du0915u0941u0932u0915u094b u0921u093fu091cu093eu0907u0928u202fu0964 u0938u094cu091cu0928u094du092f : u0930u093eu0937u094du091fu094du0930u093fu092f u092au0941u0928u0930u094du0928u093fu0930u094du092eu093eu0923 u092au094du0930u093eu0927u093fu0915u0930u0923″,”photographer”:””,”alt_text”:””}
भूकम्पले ध्वस्त बनाएको काठमाडौंको जमलस्थित दरबार हाईस्कुलको मुख्य भवनको निर्माण कार्य सम्पन्न गरिएको छ ।
चीन सरकारको आर्थिक तथा प्राविधिक सहयोगमा निर्माण गरिएको सो हाईस्कुलको मुख्य भवनको शुक्रबार एक कार्यक्रमका बीच चीनका लागि नेपाली राजदुत हउ यान्छी र राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले संयुक्त रुपमा उद्घाटन गर्नु भएको हो ।
भूकम्पले ध्वस्त बनाएको सो दरबार हाईस्कुलको मुख्य भवनको निर्माणको कार्य १० महिना भित्रै सम्पन्न गरिएको सो विद्यालयका प्रधानाध्यापक हेमचन्द्र महतोले जानकारी दिनु भयो ।
४६ कोठा रहेको सो चार तले भवनको फिनिसिङको काम भने ४ महिना भित्र सम्पन्न गर्ने लक्ष्य सो भवनको निर्माण कार्यमा संलग्न चीनको एससीजी कम्पनीले लिएको छ । २० महिना भित्र निर्माण कार्य सम्पन्न गर्ने गरी २०७५ साल श्रावण १८ गतेबाट सो दरबार हाईस्कुलको निर्माण कार्य सुरु गरिएका थियो । तर तोकिएको समयभन्दा अघि नै मुख्य भवनको निर्माण कार्य सम्पन्न भएको पनि सो विद्यालयका प्रधानाध्यापक महतोले बताउनु भयो ।
कार्यक्रममा बोल्दै नेपालका लागि चीनका राजदुत यान्छीले चीन सरकारले नेपालको भूकम्पपछिको पुनर्निर्माणको कामलाई उच्च महत्वका साथ अघि बढाएको जानकारी दिनु भयो । उहाँले सो दरबार हाईस्कुलको मुख्य भवनको बाँकि काम पनि छिट्टै सम्पन्न गर्ने प्रतिवद्धता व्यक्त गर्नु भयो ।
२०१० सालमा स्थापना भएको दरबार हाईस्कुल नेपालको पहिलो आधुनिक हाईस्कुल हो । २०७२ साल बैशाख १२ गते आएको विनाशकारी भूकम्पले सो विद्यालयको भवन ध्वस्त बनाएपछि चीन सरकारको आर्थिक तथा प्राविधिक सहयोगमा निर्माण भईरहेकोे हो । आगामी मंसीर भित्र नयाँ भवनमै पठनपाठन सुरु गर्ने पनि हाईस्कुलका प्रधानाध्यापक महतोले बताउनु भयो ।